The world’s worst blogger

Michael Jackson dáinn

2009-06-26T09:27:00.002Z

Ekki góður dagur í dag, einn helsti tónlistar maður heimsins er látinn. Hann lét nú ekki heyra mikið í sér síðustu árinn, nema þá í dómstólum Bandaríkjanna, en þrátt fyrir það er þetta mikill missir. Ég verð að sega að ég er bara búin að vera að hlusta á löginn hans í morgun síðan ég frétti þetta. Annars er allt gott að frétta af mér, búin að vera að mála heima með pa og svo í vinnunni þess á milli. Ég er ekki viss um að það verði mikið djamm um helgina, frekar að vera bara róleg þessa helgi, nóg að gera næstu helgi. Gauja að koma og svona, verður fjör. Já og svo ekki sé talað um alla fótboltagaurana sem koma í bæinn (ef maður er fyrir þessa ungu sko). Já frekar lítið um að vera hjá mér, fór í bíó á þirðjudaginn á einhverja stelpu mynd, hún var ekki nógu góð, langaði að sjá Hangover en nennti ekki að bíða í röðinni. Annars er það Transformers næst, get ekki beðið eftir að sjá hana. Fyrsta var rosalega vona að þessi sé jafn góð. En hef ekkert meira að segja í dag.

Gaman saman

2009-06-18T10:23:00.004Z

Já þetta var heldur betur gott afmæli hjá henni Ingu, Gauja systir hennar byrtist óvænt og ég hef ekki djammað með henni heill lengi, það var rosa gaman. En svo var bara mjög gaman hjá Ingu allir í stuði og Beggi litli söng og söng með Bonny Tayler, shitt hvað það var finndið. Svo eldaði Hafþór alveg geggjað góðan mat, hann grillaði fisk - ógeðlega gott. Og svo var afmælisbarnið ekkert smá fínt og sætt:) og minnti alla á að hún ætti afmæli. En svo gerðist það að ég ætlaði að heyra í Heiðrúnu og Maríu og bjóða þeim að kíkja þegar leið á partýið, ég hringi í Heiðrúnu svona um hálf 11 og hún svarar ekki, það fer beint í talhólf. Mér fannst þetta skrítið þannig að ég hringi aftur og það sama gerist. Þá ákveð ég að bíða bara hún sér að ég hringdi. En svo líður og bíður, ég er búin að gleyma að ég var að bíða eftir þeim, þá hringir Heiðrún um hálf 1 og spyr hvort ég sé bara búin að gleima þeim og ég segi þeim að ég hafi hringt en þær hefðu ekki svarað. Við skiljum ekkert en látum þetta bara vera svona. Síðan í morgun þá hringir Heiðrún í mig úr vinnunni og þá var ég búin að vera að hringja í hana í vinnuna allan tíma, ekki skrítið að hún svaraði ekki. Þokkalega rugluð það. En já það var bara rosalega gaman, ég skemmti mér bara vel, var reyndar orðin aðeins of full en ég fór nú bara þokkalega snemma heim. Ég og Hafþór fórum heim til þeirra og þar voru bara allir sofandi nema Gauja sem var að horfa á klovn, þannig ég hingdi bara á leigubíll og fór. Nokkuð gott það. En svo eru að koma Bíladagar um helgina, það ætti nú að vera eitthvað gaman. Ég er nú enginn bíladaga aðdáandi en mér finnst alltaf gaman að fá nýtt fólk í bæinn. Já bara nokkuð gott, heyrumst.

Á morgun er 17 júní

2009-06-16T11:24:00.003Z

Rosalega líður tíminn hratt, það er bara strax kominn miður júní og mér finnst ég nýbúin í skólanum og nýkominn norður. Það er eins gott að fara að nýta tíman betur til að gera eitthvað skemmtilegt næstu daga. Svo var ég að spá að eftir 17 júní þá ætla ég að hætta að borða brauð og kannski mjólkurvörur, allavega brauð. Og reyna að hreyfa mig eitthvað, er búin að vera ansi löt við það upp á síðkastið. En já það er afmæli hjá Ingu í kvöld, það verður örugglega rosalega skemmtilegt. Veit ekki í hverju ég á að vera, Heiðrún vill að ég sé í Moss kjólunum mínum en ég er í öllu svörtu þá og það er ekki mjög sumarlegt, en ég veit ekki í hverju ég á að ver í öðru. Það kemur í ljós. Já gleimdi að segja frá því að hún Gugga mín var að skýra dóttir sína númer tvö og hún skýriði hana Bríet Kolbrún, bara nokkuð fallegt nafn - næstum því það sama og ég og helga stungum upp á að hún myndi skýra hina dóttir sýna, nema okkar var Bríet Klara. Þokkalega stolið, nei djók hehehe ég er findin stundum. Já svo er ég ekki ánægð með það að allir vilja meina að ég sé ekkert brún eftir ferðina, á maður að breitast í svertingja þegar maður fer svona út, mér finnst ég fín fyrir utan að ég er að byrja að flagna, ekki töff. en það lagast. Jæja farinn...

Komin heim í heiðan dalinn

2009-06-15T10:17:00.003Z

Já þá er ég kominn heim frá Spáni, það var rosalega gaman hjá mér. Þetta var einmitt afslappi ferðinn sem ég þurfti að fara í. Ég gerði í raun ekki neitt nema bara vera heima hjá Binnu og þeim og slappa af, skrapp á ströndina og í sundlaugagarð, annars bara á chillinu. Brann að vísu fyrsta daginn þannig að ég var pínu duglega á sólvörninni eftir það þannig ég er ekkert voðalega skólbrún nema á bringunni þar sem ég brann og bakinu. En það er í góðu lagi ég er brúnni í dag en ég var þegar ég fór. En þetta var geggjað gaman og rosalega flottu staður, væri sko alveg til í að fara þarna aftur. En nú er það bara vinna aftur og tóm gleði, að vísu er 17. júní á miðvikudaginn þannig að þetta er stutt fyrsta vika:) sem er mjög gott. Svo er ég að fara í afmæli til Ingu á þriðjudaginn, gamla er bara að varða 30 og ég veit ekkert hvað ég á að gefa henni. Ef þið eruð með tillögur eru þær vel þeygnar. Annars er það bara snemma að sofa í kvöld, ég er ennþá á Spánartíma og svaf ekki rosa mikið í nótt, ekki gott. Finna afmælisgjöf og svo fara bara heim. En það er gott að vera kominn í sitt eigið rúm og svona, alltaf best að vera á eyrinni. Heyrumst seinna.

Spánn hér kem ég

2009-06-03T14:28:00.002Z

Vá hvað tíminn er fljótur að líða, ég er að fara út á morgun. Ég trúi þessu ekki og ég er að fara að sjá hana Hermínu Mist í kvöld, get ekki beðið. Ég veit ég er búin að vera kvarta undan því að dagarnir séu lengi að líða upp á síðkastið en þessi dagur er bara eins og skjaldbaka. Og mér finnst ég eiga eftir að gera alveg helling þegar ég kem heim, eftir að pakka (næstum) öllu og svona. En ég fór í bíó með henni Heiðrúnu minni í gær á Let the right one inn, hún var ansi spes, ekki vond en ekki góð heldur - hugmyndin var góð en það var bara svo margt í myndinni sem mér fanst ekki þurfa að vera með í myndinni. En þetta er sænsk vampíru mynd af bestu gerð og var hún nokkuð blóðug - sem er gott. Annars voru nokkrir trailerar fyrir myndina sem ég væri alveg til í að kíkja á í sumar. En það vantar alltaf eitthvað í myndirnar þessa dagana, ég verð aldrei neitt rosalega hrædd, sem er ekki eins gaman og að vera skít hræddur. Maður er mestalagi smá kvektur og svo er myndin búin og ég varð fyrir vonbryggðum. En það skiptir ekki ég er að fara til Spánar á morgun og ég get ekki beðið, liggja á ströndinni og slappa af, já og leika mér. Já og svo er ég ógó sæt fór í klippingu áðan og er geggjað flott, en ég er það náttúrlega alltaf, hehehehe bæ farinn til Spánar, heyrumst síðar.

Ég fer í fríið

2009-06-02T11:33:00.002Z

Já það eru bara tveir dagar þangað til ég verð á Spáni, get ekki trúað þessu. Þetta verður geggjað, get varla beðið. Það er ekkert gaman í vinnunni en dagurinn er samt búin að vera nokkuð fljótur að líða, en það verður ekki eins eftir hádegi það er alltaf þannig. En þetta var bara alveg ágæt helgi ég fór í skýrn hjá Guðrúnu, frændi heitir Ásgeir Helgi, bara nokkuð gott nafn og svo var póker heima hjá mér og Guðrún hafði af okkur alla peningana - good times. Já svo lág leið okkar niður í bæ og einhverra hluta vegna fórum við á Vélsmiðjuna - ég kenni Skúla vini hans Bjarna um - en alla vega það var ekkert svo leiðinlegt þar heldur var bara ólíft þar, það var einhver þarna sem átti bara að vera heima hjá sér - ég er að tala um að það var einhver þarna sem var svo úldin að innan og rak við í gríð og erg - meira að segja söngvarinn í hljómsveitinni sem var að spila hafði orð á þessu - þá er þetta ógeð og þá átt þú að vera heima hjá þér -ÓGEÐ. Já og svo fór ég í partý í MC skál og það var rosa stuð. En svo var sunnudagurinn ekki svo góður en hann slapp til. Bara nokkuð góð helgi að undan skildu ÓGEÐINU. En já ég er að fara til Spána eftir smá stund og ég er ekki einu sinni byrjuð að pakka, veit ekki hvað ég á að hafa með mér en það er 28 til 30 stiga hiti þarna. Bara gott. Jæja heyrumst aftur á morgun.

Það er komin helgi

2009-05-29T13:45:00.002Z

Já helgin er kominn og ég er að kúka á mig úr leiðindum í vinnunni, vá tíminn líður bara ekki neitt og ég get ekki fundið neina afsökun til að skreppa og gera eitthvað annað en vinna... en já tíminn líður þó hann líði hægt. Svo er ég komin í þriggja dag frí og það verðu að gera eitthvað skemmtilegt þessa dag. Já ég fór í bæinn í gær og ætlaði aldeilis að eyða pening og kaupa nýja skó, ég fór í Sportver og það voru engir skór sem mér fannst flottir til á mig og svo fór ég í toppmenn og sport og það voru heldur ekki til neinir skór handa mér. Og svo sögðu þau að þau ættu ekki von á meiri skóm á næstunni... er það djók eða er kreppa. Ég hata Akureyr þegar kemur að því að reyna að versla eitthvað hérna, aldrei neitt til. Já og mamma er í borginni og ég bað hana að kaupa skó en hún vildi það ekki sagði að ég ætti nóg af striga skóm - hver á nóg af stirgaskóm - enginn. En já ég er að fara til útlanda bráðum og ég get bara keypt þá þar en mig langaði bara að eiga fallega skó þegar ég væri úti ekki þurfa að leita að þeim, ohhh lifið er svo erfitt. Já kannski ég kíki bara á netið og athugi hvort það séu til svona skór í fríhöfinni... kannski. Ok ég er að fara að gera það núna. Bæ.

Alveg að koma helgi

2009-05-28T16:35:00.002Z

Já það er sko alveg að koma helgi og ég veit ekki ennþá hvað ég ætla að gera um helgina, en líklega tek ég smá tjútt. Annars eru þau gömlu farinn til Reykjavíkur og kellingin er bara ein heima í kotinu, ekki leiðinlegt það. Svo er það nátturlega að reyna að láta tíman líða eins hratt og hægt er þanngað til ég kemst til Spánar. Ég á eftir að ræða við hana Matthildi um að fá gista eina nótt hjá henni og prinsessunni, hlakka svo mikið til að sjá hana. En annars er þetta búið að vera frekar leiðinlegur dagur, næstum jafn leiðinlegur og leikurinni í gær sem ég ætla aldrei aftur að tala um, nema þá að dásama hann Ronaldo minn. En já ekkert að gerast, langar að fara heim og gera eitthvað skemmtilegt. P.S. ekki fara í pokkun og litun í Abaco það kostar heilar 3700.- kr, farið frekar á Arona það kostar ekki nema 3000.- kr og svo er líka miklu skemmtilegra fólk þar. En já nenni þessu ekki bæ.

7 dagar í Spánn

2009-05-27T10:46:00.002Z

Vá ég trúi þessu ekki, það er svo stutt þangað til ég fer til spánar að mér er bara illt í maganum og ég er ekkert búin að vera í mergrun eða nett, ekki gott. Svo var ég að muna það að það er löng helgi og ég veit ekki hvað ég á að gera um helgina, en eitthvað verð ég að gera það er bara þannig. Það má ekki vanta gömlu á dammið, neiiii. Annars þá er ég að fara að hitta Maríu á Greifanum í hádeginu, við erum svo flottar á því alltaf. Annars þá tók ég nýju myndina um Bjólfskviðu, myndinn sem var gerð á Ísandi. Það vantaði eitthvað í hana - aðeins meiri spennu - en þetta var rosalega flott landkynninning og veður kynninng líka. Vá það var mismynandi veður í næstum því öllum skotunum - enda var ég búin að heyra að það hefði ekki gengið nett rosalega vel að taka þessa mynd upp. En Ingvar var rosa flottur í sýnu hlutverki og reyndar bara allir Íslendingarnir. Bara fín mynd vantaði aðeins meiri spennu í uppbygginguna til að gera loka kaflan meira spennandi. Annars var þetta líka mjög flott saga - öðruvísi en maður hefur séð hana áður, aðeins búið að íslenska hana - bara flott. Mæli með henni, svo er líka íslenskur leikstjóri:) Jæja kveð að sinni.

Langur dagur

2009-05-26T10:48:00.003Z

Já það er útlit fyrir að þetta verði langur dagur, það er ekki rosalega mikið að gera í bókununum hjá mér og ég nenni ekki að fara að skoða gamlar bókanir. Þetta er ástæðan fyrir því að ég vil vinna niðri og út á velli - alltaf eitthvað sem er hægt að gera. Annars gerði ég ekkert í gær fór bara heim og horfði á Tvið. Ég er alveg að verða búin að horfa á alla Buffy þættina mína og núna þarf ég að fara að ná mér í nýja. Ótrúlegt hvað það getur verið skemmtileg að horfa á þessa þætti, samt eru þeir bara rugl. Svo á ég eftir að ná í loka þættina af öllum seríunum sem ég er að horfa á en ég bara geri aldrei neitt. Svo er að koma helgi og ég er ekki viss hvað ég á að gera skemmtilegt - kannski bara kíkja eitthvað úr bænum, fara í Mývatnssveit áður en allar flugurnar koma. Já mér líst vel á það allavega sjá hvernig veðrið er og kíkja svo. Ef ég nenni þá er ég að spá í að fara í ljós í kvöld og á fimmtudaginn, ég verð að ná mér í smá lit áður en ég fer til Spánar - annars bara brenn ég eins og sykurpúði hehehe.

Svo er það málið með það hvað ég á að fá mér að borða í hádeginu, nenni ekki heim að borða með mömmu og pabba fisk - borðaði hann í gær. Kannski ég heyri í stelpunum og fái þær til að kíkja með mér á Brúnna eða eitthvað. Ohh nú hef ég ekkert meira að tala um þannig bæ...

Spánn hear I come

2009-05-25T14:22:00.002Z

Já það er rétt ég er að fara til Spánar, það verður geðveikt. Ég er að fara með Binnu systir og Svenna. Ég á að leika við börnin meðan ég er þarna en ég er alveg til í það. Ég er að fara til Spánar. Annars var þetta bara góð helgi, ég fór á EGO með Heiðrúnu og Maríu. Hitti Sverrir og Magga og dansaði geðveikt mikið, hef ekki dansað svona mikið lengi. María stakk af eins og vanalega á elli smella staðinn sinn, Vélsmiðjuna. Við hittumst heim hjá Heiðrúnu og elduðum okkur og fengum okkur nokkra Moito - geggjað góðir þó ég segi sjálf frá. Já þetta var bara góð helgi, það vantaði bara gömlu með á Bubba. Svo á að fara að skýra frænda minn loksins get ekki beðið. Annars er bara fjör í vinnunni, nóg að gera eins og alltaf en þá líður líka tíminn mun hraðar. Hef ekkert meira að segja nema þá kannski.... ÉG ER AÐ FARA TIL SPÁNAR!!!

Hvítasunnann

2009-05-20T11:42:00.003Z

Loksins fæ ég að vita hvað litli frændi minn á að heita, hann fæddist í lok janúar og er ekki komin með nafn ennþá og það á loksins að skíra hann núna um hvítasunnunna. Aldrei hlakkað jafn mikið til að vita eitt nafn. Mun láta ykkur vita um leið og ég veit það. Annars var þetta bara nokkuð góður dagur í gær, fékk mér Brynjuís og fór í bakarið við brúnna. Fór svo í ljós eftir vinnu og hafði það bara andskoti gott. Horfði á geggjaðan þátt af House og Fringe. En ég þarf að fá stærri nettengingu, mamma er að drepa mig með þessari lélegu tenginu sem er heima, ekki gaman. Svo er nú frí á morgun og það eru allir að fara í sveitina að planta kartöflum og gulrótum og ég er ekki frá því að ég ætla að mæta. Bara vegna þess að Lóa skrítna frænka mín verður þar og hún talar sko ekki við mig, þar af leiðandi vill ég gera í því að var allsstaðar þar sem hún er og bögga hana (hún er sko geðveik). Held að þetta verði bara góður dagur á morgun:) En ég þoli ekki að fá svona frídag í miðri viku og þurfa að fara aftur í vinnuna stax daginn eftir, mun betra að fá bara langa helgi. Svo er það með Póllverjana, ég er ekki að fíla þá þessa dagana, hvað var þetta með engin stig frá þeim í Eurovision. Ég er reyndar ekki ánægð með Sviss heldur, er ekki viss hvort ég kíki þangað í heimsókn alveg á næstunni. Skil ekki hvernig lönd gátu gefið okkur enginn stig og það fer alveg með mig. Allavega Eurovision fanið er að fara að hætta þessu rugli, enda orðin geðveik held ég.... hehehehe

Byrjuð að blogga - mætt í vinnunna

2009-05-19T13:26:00.003Z

Það verður að segjast að ég hef aldrei skemmt mér jafn vel í skóla og ég hef gert síðasta árið, geggjað erfitt og mikið af verkefnum en ógeðslega gaman. Það er fínt að búa í Reykjavík svo sum, ekki jafn gaman og á Akureyri en fínt. Bjó í Breiðholtinu - eða gettóinu- það bjó sko bara gamalt fólk í kringum mig þannig ég skil ekki alveg þetta með gettóið. Anyways þá var þetta bara nokkuð góð helgi, við vorum í öðru sæti í Eurovision og svo var geggjað veður alla helgina - nóg af djammi og allt eins og það á að vera. Ég var úti að mála pallinn fyrir pabba nánast alla helgina, bara gaman af því. Já svo var ég að eignast litla frænku, hana Hermínu litlu, hlakka til að sjá hana hún er örugglega alveg eins og mamma hennar. Annars er ég bara mætt aftur í vinnunna og ég ætla að vera duglegri að blogga í sumar en ég var í fyrra. Svo þarf ég líka að skrifa nokkur handrit og svona þannig allar hugmyndir eru vel þegnar. Ég er ekki alveg viss hvað ég á að hafa þema þessa sumars en mér var í þessu að detta í hug myndarlegir fótblotamenn, já eða bara hafa þemað myndarlegir karlmenn.... það er mjög gott. Jæja það kemur í ljós þegar líður á þetta blogg. Gaman að vera komin aftur:)

Góð helgi

2008-06-16T11:44:00.002Z

Já það er ekki hægt að segja annað en það þetta hafi verið nokkuð góð helgi, ég útskrifaðist og var hæst í bekknum í þokkabót. Verð að segja að þessi myndi er mjög einkennandi fyrir helgina:) hehe En alla vega þá var bara rosa gaman og við fórum út að borða á RUB23 og ég mæli sko með honum. Þetta er nýji staðurinn þar sem kaffi karolína var og það er mest megnis fiskur í boði og það er geggjað. En allavega góð helgi og ég vil þakka kærlega fyrir mig, allar hamingju óskirnar og gjafirnar, takk takk takk

Komst inn í skólann

2008-06-06T13:53:00.002Z

Ég er ekki að grínast ég komst inn í kvikmyndaskóann. Ég er að fara að flytja til Reykjavíkur, vá ég trúi því ekki. Það verður örugglega geggjað gaman. En annars er þetta búin að vera ansi þreitt vika, ég er ekkert smá löt þessa daganna. En ég ætla að fara að breyta því. Svo er ég að útskrifast næstu helgi og svona og það er víst brjálað að gera hér næstu helgi, bíladagar og einhver tónlistar hátíð (man ekki hvað hún heitir), en allavega ef einhver er að spá í að kíkja norður næstu helgi þá er nóg um að vera og Guðrún það var verið að spá í að setja niður plöntur þessa helgi líka ef það vekur einhvern áhuga:) hehee

En vá ég er ekki að trú þessu nú þarf ég að fara að leita mér að íbúð í borginni, ef einhver veit um eitthvað láta mig þá vita:) vá ég er dálítið spenntur verð ég að segja þetta á eftir að verða áhugavert. Hlakka til að hanga alltaf með þér Guðrún nágranna kona:) hihihi

Hvað um það ég þarf að fara að gera eitthvað annað en að hugsa um þetta endalaust, vinnan vinnur sig víst ekki sjálf (skil þetta ekki, búin að reyna allt). Góða helgi allir saman og hlakka til að sjá ykkur sem fyrst.

Er þetta flottasti bíll í heimi eða?

2008-06-03T10:36:00.002Z

Þetta er ekki grín en þetta er bílinm sem mig langar að eignast, Ford Shelby GT500. Geggjaður... nei bara svona það er að nálgast útskrift og svona, alltaf til í að fá svona í útskriftargjöf. En annars bara nokkuð góð helgi, allt gekk upp og ég, Heiðrún og María elduðum gúllassúpu á sunnudaginn, ekkert smá góð. Hef eiginlega ekkert að segja þannig ég minni bara aftur á þennan fallega bíl, allir að dást að honum:) hummmm

Póker í kvöld

2008-05-30T17:14:00.003Z

Góða kvöldið gott fólk og gaman að geta sagt ykkur frá því að ég er að fara að hitta hana Mariu og jafnvel hann Óla, og við erum að spá í að slá kvöldinu upp í kæruleisi og spila póker. Hver veit nema að það verði bjór í boðinu en allavega þá verður líklega voða skemmtilegt. Það er búið að vera frekar leiðinlegt í vinnunni í dag og ég svo álpaðist ég til að segjast ætla að taka myndir í einhverri heimskri fermingarveislu, ég hata fermingaveislur... en það er ekki það versta ég álpaðist líka til að segjast geta unnið fyrir hann Gumma á sunnudaginn en vá hvað ég er ekki að nenna því, þarf að fara á fætur eld snemma því ég á að vera mætt kl 8. Ég var búin að segja Gumma að mig langaði að vera með mömmu og pabba í sumarbústað og hann ætlaði að vera rosa góður og koma þá seinnipartinn, hann ætlar að koma kl 14 og vera þá til svona 17 það er rosa sanngjarnt, alveg skiptum deginum jafnt. Annars er þetta ekki neinum að kenna nema mér að vera svona vitlaus að vinna fyrir aðra, maður á ekki að gera það, því þeir vinna ekki fyrir mann senna... ekki satt:) En allaveg vonanadi verður gaman í kvöld og allir skemmta sér vel:) góða helgi P.S. Guðrún takk fyrir allar girnilegu réttina inná síðunni þinni gaman að komast í svona lagað:)

Helgin í nánd

2008-05-29T13:00:00.002Z

Ekkert smá sætur kisi. Já það verður að segjast að ég er farinn að hlakka til helgarinnar en þar sem ég er örugglega að fara að vinna eitthvað og þarf að skreppa í fermingu þá lítur helgin ekki alveg jafn vel út og hún ætti að gera. En hvað um það alltaf að gera það best úr öllu og reyna að hafa það gott. Ég er að spá í að kíkja á Guggu mína í kvöld og jafnvel taka í spil með henni eða eitthvað álíka skemmtilegt. Dagurinn í gær var ekki alveg jafn skemmtilegur og hann leitu út í fyrstu þar sem allt of mikið var að gera hjá mér undir lok vinnudagsins. Ef ég má vera alveg hreinskilinn þá finnst mér bara ekkert rosalega gaman að vinna og ég er alltaf að hugsa um það hvað það væri nú gott að vera í skólanum núna, hitta alla vinina og fara saman í mat í hádeginu og bara svona allt þetta sem maður gerir skemmtilegt í skólanum, þannig ég er hér með búin að lýsa því yfir að ég er ekki komin með leið á því að vera í skóla...:) Annars er alveg ágætis fólk að vinna með mér, ég sakna pínu slúðursins á eftrihæðinni en það er mun meira aksjón hér niðri og þar á ég frekar heima. Vonanid fæ ég góð laun þannig að ég þurfi ekki að hætta að vinna hér og fara að vinna hjá pabba, sem væri jú sweet. En það kemur allt í ljós sem fyrst vonandi, allaveg hvað sem verður verður fínt. Verð að fara að hætta og halda áfram að vinna eitthvað:)

Sumar og sól

2008-05-28T10:26:00.002Z

Já staðfestar fréttir ég er að fara að útskrifast þann 14. júní:) hvern hefði grunað að þetta ætti mér eftir að takast. En hvað er með þetta veður, ekkert smá gott 23°, og ég þarf að sitja hérna inni á þessari skrifstofu og vinna í stað þess að vera í sundi eða bara í sólbaði með henni mömmu gömlu sem er að sjálfsögðu í fríi þessa daganna, hún finnur á sér þegar svona veður er í námd:) Svo eru þau öll að fara í sumarbústað um helgina og ég er búin að lofa Gumma að taka myndir fyrir hann í fermingarveisluni hjá stráknum hans, og svo var hann búin að biðja mig um að vinna á sunnudaginn fyrir sig og ég er eiginlega ekki að nenna því, væri alveg til í einn dag í búsaðnum með karli og kerlingu. Sjáum til hvernig fer. En ég er að spá í að hætta núna og fara og standa í sólinni í smá tíma kannski fæ ég eina freknu hver veit... mjög líklegt (Rauðhaus)

2008-05-26T13:59:00.002Z

Góðan dag, mín bara að farinn að leika sér á blogginu sínu aftur. Gaman af því. En annars þá er allt gott að frétta, búin í skólanum og búin að ná öllu, þvílíkt klár og ánægð með mig. Svo fór ég í viðtal í kvikmyndaskólanum um daginn og ég held bara að ég sé nokkuð bjartsýn á að ég komist í þann skóla, hlakka til. Annar var rosa stuð um helgina, evróvision var bara eins og maður bjóst við, við unnum ekki (og hefðum heldur ekki viljað það). En djammið var gott gaman að hitta alla, djammaði með Söndru loksins og svo var ég bara með gáfnaljósinu í bekknum henni Maríu (hún er sko hæst í blekknum :) ) Ég er að spá í að skella mér með henni Matthildi frænku minni aftur til Genf í sumar og þá vorum við að spá í að vera aðeins meira upp í fjöllunum og vera í vatnsrennibrautagarðinum og leika okkur, það verður vonandi gaman. Svo var ég að frétta það að Sveinn og Binna sistir voru að kaupa sér hús á Spáni sem ég verð að fara og skoða við tækifæri, og sem fyrst helst. Byrjuð að vinna á Bílaleigunni en með smá tvist núna er að vinna niðri við að leigja út bíla og vera á rúntinum og svona, það á bara nokkuð vel við mig:) Annars bara vona ég að einhver lesi þetta rugl í mér og geti haft gaman af en ef ekki þá bara allt í góðu. Jæja að lokum vill ég bara minna á það að Indiana Jones er í bíó og ég er að fara að fara í bíó á hana og vona að sem flesti fari að sjá hana, meðfylgjandi mynd er einmitt af honum Shia LaBeouf sem leikur í Indiana Jones.... FALLEGUR

Það er komið sumar

2008-05-20T09:22:00.003Z

Ég er ekki að grínast en ég er að útskrifast úr Háskóla, ekkert grín. Bara gaman. Verð eiginlega að minna alla á að halda áfram að horfa á House M.D. sem er jú skemmtilegustu þættir sem ég hef séð, maðurinn er náttúrlega tær snild. En annars er allt gott að frétta, ég er að fara suður í viðtal fyrir kvikmyndaskólanna, vonandi kemst ég inn. Svo erum ég og Matta að spá í að fara aftur til Genf í Ágúst og vera þá slatta í rennibrautagarðinum, og upp í fjöllunum. Geðveikt... Svo er það bara að býða eftir útskriftinni þann 14. júní það verður vonandi fjör og gaman þá, allaveg drukkið nóg. Annars gaman að vera komin aftur og verðum í bandi.

Eric Dane

2007-08-31T09:15:00.000Z

Það er aftur komin helgi og ég verð að segja að það er ekki einu sinni búið að plana djamm í kvöld eða á morgun. Verð að segja að ég er alveg búin að gleima mér í skólanum. Enda svo gaman í skólanum. Guðrún mín það eru engar risaeðlur í Eureka, þannig þú ert ekki að tala um sama þáttinn:) En þessi maður er ansi fine líka nema hvað það eru eigninlega engar myndir til af honum nema með einhverja kellingu á öxlini eða ekki leifilegt að fá myndina lánaða. Ekki gaman að velja myndi af þessum manni enda fær hann bara að vera einu sinni þó hann sé sætur.
Það er svo sum ekkert að frétta nema ég er að vinna í dag og ég er bara ekki að nenna því, ekki grín. Ég vaknaði í vonudu skapi og það fer allt í taugarnar á mér hérna í dag. Mamma hvartar yfir því að það sé svo mikið að gera og það er ekkert að gera. Skil þetta ekki. Síminn hringir ekki einu sinni og ég er að loka reikingum fyrir Hauk er ekki að hafa gaman af þessu. Já en þetta er að verða búið og ég er að fara að halda áfram að vera skólastelpa sem mér finnst svo gaman:) En nenni ekki að kvarta meira núna eigiði góða helgi og ég bið að heilsa.

Ed Quinn

2007-08-29T09:25:00.000Z

Já hann Ed Quinn leikur í þáttum sem ég og Mæja horfum pínu á sem heita Eureka og er mjög skondinn þáttur. Þessi gaur er ansi fine að mínu mati. En það var helvíti gaman í gær ég leigði mér 300 og horfði á hana með pabba, verð að segja ansi blóðug mynd en mjög góð. Svo kom Heiðrún í heimsókn og hún og Matta gáfu mér belti, Disel belti. Mjög flott og svo sagði hún mér skondnar sögur úr ferðalaginu og líka ekki svo skondnar en þær skemmtu sér allavega vel. Annars er allt gott að frétta, gaman að vera byrjuð í skólanum og ég er með magnaða stundaskrá. En er eins og stendur að vinna af þvi hún Magnea mín er í Danmörku með foreldrum sínum þannig ég þarf að vinna aðeins þangað til hún kemur til baka:) En þetta er fljótt að líða og ég þarf að fara að getra eitthvað að viti. Bæ.

Edward Norton

2007-08-28T16:15:00.000Z

Ég veit ekki betur en að einhver hafi viljað fá að sjá þennan mann sem hönk vikunar og hér er hann mætur í mínu uppáhalds hlutverki. Ekki það að ég sé eitthvað fyrir skyn heeds heldur vegna þess að hann lék þetta hlutverk snildarlega og já það verður að segjast að hann var alveg helvíti fit í þessari mynd. Annars er allt gott að frétta loksins byrjuð í skólanum og verð að segja að stundataflan mín er bara nokkuð góð. Alltaf löng helgi og þá meina ég löng, föstudag til mánudag. Ekki slæmt. Ég er í alveg helvíti skemmtilegum áfanga sem snýr að myndum og myndatöku og ég verð að segja að ég er alveg helvíti spent yfir því að byrja á honum. Þetta er spennandi.
En það næsta spennandi sem gerist er að ég er að fara á tónleika með Heiðrúnu þann 8 sept á Cris Cornell. Það verður vonandi geðveikt gaman. En best að þykjast vinna aðeins meira eða í smá stund í viðbót og fara svo heim. En njótið Edwards á meðan hann er í boði.

Goran Visnjic

2007-08-24T11:09:00.000Z

Þessi maður átti að vera síðasta hönkið mitt, þar sem ég er að hætta í vinnunni og er að fara í skólan. En þar sem ég þarf eitthvað að mæta í vinnuna í næstu viku þá hef ég planað að setja bara einn hönk á dag. Þetta gerir mér kleift að setja eitthvað af þeim hönkum sem eiga bara eina góða mynd eins og hann Goran. Þá meina ég mynd sem er cool. En annars er allt gott að frétta, brjálað að gera á myspace núna allir að búa sér til síður og maður verður náttúrulega að adda þeim öllum og commenta. En það er grill hjá Önnu í kvöld og ég vona að sem flestir mæti svo það verði gaman hjá okkur. Ég veit það verður gaman hjá okkur þar sem ég verð á svæðinu og María allavega hlógum við alveg helling hjá Völu þegar við vorum að rifja upp nokkra high lighta. Annars á þetta bara að vera róleg heita helgi, þá meina ég næstu 2 dag eða laugardagurinn og sunnudagurinn verða rólegir, örugglega af því ég verð svo þunn en það er bara gott:) Ég verð að venja mig við þar sem ég og Óli Steinar ætum að vera nokkuð full í vetur, allavega duglegri en síðasta vetur:) Þetta verður æði:)

En já best að halda þessum skemmtilega ekki síðasta vinnudegi áfram. Bæ í bili.

Þessi vika verður eilífð

2007-08-21T10:52:00.000Z

Ég er að springa ég nenni ekki að vinna meira, talandi um að vera löt. Get bara ekki beðið eftir því að byrja í skólanum. Annars er bara fínt að frétta ennþá bara ánægð með reykjavíkur ferðina. Reyndar er tansi núna að bögga mig þannig ég verð að fara og láta hann líta á geiflurnar. Það á nú eftir að kosta annan handleggin, þannig það var gott að ég var búin að eiða öllum peningunum mínum i Reykjavík:)
Mamma tók bara vel í það að ég fengi mér nýjan bíll hjá bílaleigunni. Þannig þá er bara að tala við pabba og heyra hvað hann hefur að segja. Já það væri æði ef þetta gerðist.
Guðrún ég skal skoða myndir af honum Bond, en ég er eiginlega búin að finna þann sem á að vera loka hönkinn:) en það má alltaf vera með alla agna úti. Já það er lika aldrei að vita nema maður verði virkari í skólanum í ár, hvað bloggið varðar. Allavega þarf ég að vera duglegri á myspace fyrir hana Sigrúnu og Haffa. Talaði einmitt við hann í morgun, hann var bara hress og hlakkaði til að byrja í skólanum. Oh ég öfunda þau að vera í útlöndum. Og ég á eftir að sakna þeirra í skólanum. Þetta verður öðruvísi ár, en vonandi skemmtilegt. En bæ þarf að vinna.

Bara nokkuð góð helgi

2007-08-20T12:24:00.000Z

Já ég skellti mér bara suður um hegina með henni Binnu systir og við skemmtum okkur bara nokkuð vel. Versluðum og svona, þó nokkuð. Ég er allavega ánægð með versluninna:) Svo hittum við hana Guðrúnu og Fjölskyldu og fórum með þeim á Miklatún á tónleika og fórum svo með þeim að horfa á flugeldasýninguna. Þannig þegar við komum heim vorum við svo þreittar að við varla komumst inn um dyrnar. Og vorum sofnaðar eins og skot. Fengu að gista hjá Möttu og Elvari og svo vakti Binna mig rétt fyrir 9 og vildi fara að leggja af stað heim. Vá hvað mig langaði að lemja hana í rot svo hún svæfi aðeins lengu. En allaveg þá lögðum við af stað heim kl 10 og vorum komnar heim rétt yfir 2 sem er nokkuð gott. Lagði mig svo bara seinnipartinn.
Annars er ekki mikið að frétta annað, skólinn að byrja og það er smá bekkarparty hjá henni Önnu á föstdaginn, sem verður geðveikt skemmtilegt. Allir að taka myndirnar sínar með síðan í Riga:) Erla frænka er byrjuð að vinna og ég er að reyna að hjálpa henni að komast inní hlutina en ég tala víst svo hratt að eiginn skilur mig:) Nei bara grín. Já það er bara vika eftir af vinnunni og svo tekur skólinn við. Já hvað tíminn líður fljótt.
Svo langar mig ótrúlega mikið í Golf eins og ég var á í Reykjavík, það var ekkert smá gott að keyra hann. Ég er ekki viss um að pabbi og mamma taki vel í það þannig kannski ég bíði þangað til næsta sumar, eða kanna málið hvort þetta er mögulegt:) En allaveg þá þarf ég að vinna aðeins meira í dag þannig bæ í bili og sjáið alla hnífana:)

Helgin kominn

2007-08-17T16:19:00.000Z

Þá er þessi frábæra helgi kominn og ég er að fara suður með henni Binnu í fyrramálið. Það verður vonandi gaman hjá okkur. Við ætlum að fara í bæinn og skoða fatnað og annað slíkt. Já það verður gaman. Kannski reynir maður að hitta einhverja um kveldið og kíkja á menningarnótt. Annars er ég nokkuð ánægð með það að það er alveg að líða að skólanum mínum. Ekki nema vika eftir og þá verður hvorki Magnea né Arna, hins vegar fæ ég hana Erlu frænku í staðinn. Vonandi verður það fínt.

Ég verð eiginlega að segja stundum kemur það mér á óvart þegar ég fatta að einhver er ekki búin að vera hönk vikunar áður. Eins og með hann Hugh Jackman, eins og hann er nú myndarlegur. Já þetta er undarlegt hvernig hausinn á manni virkar stundum. Ekki rétt.

En vinnudagurinn er að vera búinn og ég er ekki að nenna þessu núna, þannig bæ í bili og góða helgi.

Aftur að koma helgi

2007-08-16T09:37:00.000Z

Ég held ég verði bara róleg um helgina eða það er allavega planið. Svo er það að reyna að plana party fyrir bekkin áður en skólinn byrjar og ég er ekki fá því að það ætti að heppnast. Annars er ekkert að frétta, bara frekar leiðinlegir dagar búnir að vera undanfarið. Svo er nú hún Erla frænka að fara að byrja að vinna með mér í smá tíma, voða fínt. Arna er hætt og er að byrja í skólanum, ég er geðveikt öfundsjúk. Magnea er að fara til Danmerkur í viku eða meira og ég er líka öfundsjúk út í hana. Annars er ég að fara að byrja í skólanum og er að fara suður á tónleika með Heiðrúnu á Cris Kornell tónleika. Vey það verður geðveikt gaman.

Hef svo sum ekkert merkilegt að segja ekkert að gerast sem er skemmtilegt, 7 dagar eftir í vinnunni og þá byrjar skólinn:) hlakka svo til.

Hlakka líka til að fara til Reykjavíkur og kaupa mér fallega hluti í borginni. Annars verð ég að fara að vinna og eitthvað. En það eru bara 2 hönkar eftir og það verður spennandi að sjá hverjir það verða. En bæ þangað til á morgun.

Ég er svo óheppin

2007-08-14T13:41:00.000Z

Þetta er ekki grín ég er ein sú óhepnasta í bransanum. En allavega þá var ég að fara að sofa í gær og ég sá snúruna úr nýja flakkaranum mínum á gólfinu og hugsaði passa sig á súrunni, en hvað haldið þið mér tókst engu að síður að skutla honum á hliðina og skemma s-video tengið mitt, ég verð að sega að það er ekki gott. Get samt alveg haldið áfram að horfa á hann, það kom ekkert fyrir hann enda var hann á gólfinu. En svona er ég nú mishepnuð, þetta hefði ekki gerst ef ég hefði bara ekki verið að passa mig svona mikið.
En annars þá er komið að því að ég verð að fara að fara í bíó á Transformers, ég veit ekki af hverju mig langar ekkert smá að sjá hana. Svo langar mig líka að fara til Reykjavíkur en ég er svo sum alveg að fara þangað á tónleika með Heiðrúnu. Get svo sum alveg beðið þangað til. Annars þá græddi ég buxur í gær, ég á mér uppáhaldsbuxur og þær eru ansi vel notaðar og svona alveg að verða búnar að lifa nógu lengi, en ekki alveg. Haldði ekki að ég hafi ekki bara fengið svoleiðis buxur næstum ónotaðar í gær. Ég er ekkert smá heppin og óheppin bæði í einu.
En best að fara og láta sér leiðast í vinnunni, ekkert voða mikið að gera og ég nenni ekki að finna mér neitt að gera:) En það er bara allt í lagi annað slagið. Það eru 10 dagar þangað til ég hætti að vinna og 12 dagar í skólann!!!! ég gæti sprungið úr tilhlökkun....

Geggjaður fiskidagur

2007-08-13T16:24:00.000Z

Já ekkert smá gaman á Dalvík á fiskideginum mikla. Það voru reyndar allt of margir þarna þannig maður fann aldrei þann sem maður ætlaði að finna en þá fann maður bara einhvern annan, sem er líka gott. Hélt að ég myndi deyja úr þynku í gær en ótrúlegt en satt þá lifði ég af eins og alltaf og er liggur við farinn að plana næsta damm. Já svona er nú lífið skemmtilegt. Vonandi skemmtu aðrir sér jafn vel og ég um helgina.
Ég er vonandi búin að finna næsta hönk vikurnar, er að leita að myndum af honum. Ég hef að vísu aldrei séð hann áður þannig ég er ekki viss um að þetta eigi eftir að ganga vel en vonum það besta. So er laust sæti fyrir einhvern ansi myndarlegan sem mun lifa langt inná skólaárið eins og vanalega. Ég er alltaf svo bissy í skólanum hef aldrei tíma til að gera neitt þá.
Svo er það helgin ég er til í svona party annað hvort bara þegar við byrjum í skólanum eða helgina áður. Þarf bara að fara að tékka á þessu, spyrja alla og koma þessu í verk. Við vorum búin að lofa að hittast í sumar og hafa slide á myndunum okkar (einmitt þess vegna sem ég ætla að mæta). En allavega þá þarf bara að hrinda þessu í framkvæmd. Jæja best að halda áfram að vinna og gera eitthvað. HATA STAÐGREIÐSLU!!!

Fiskidagurinn mikili

2007-08-10T12:39:00.000Z

Þá er það kominn ný helgi og ég bara búin að vinna í 2 daga, svona á þetta að vera. Annars var mjög gaman í fríinu mínu, slappaði af og djammaði það var gaman. Það var brjálað að gera í gær þannig ég hafði ekki tíma til að finna nýjan hönk en það er minna að gera núna þannig ég fann mér smá tíma. Allavega miðað við alla þá umræðu sem er búin að vera um þennan mann og konu hans, þá fannst mér tilvalið að hafa hann sem hönk vikunar, hann er allaveg alveg nógu sætur svo þarf ég bara að finna 2 hönk í viðbót og þá byrjar skólinn. Vá get ekki beðið. Er að springa úr tilhlökkun. David Bekham er sem sagt hönkið þessa vikuna sem er ekkert nema ánæjulegt og gaman að fá að horfa á hann.

Það er fiskidagurinn mikli um helgina og ég ætlaði að fara en það virðist vera byrjað að tínast úr hopnum á að vísu enn eftir að tala við hana helgu og heyra havð hún ætlar að gera og svo vill hún Mæja fara líka þannnig þetta er bara spurning um að plan og hvernig það verður. Svo keypti ég mér Sjónvarpsflakkara um daginn og það er fínt að hafa svoleiðis nú þarf ég bara að læra að ná mér í efni sjálf:) Kann það ekki:) En allavega nenni ekki að bulla meira, þarf að láta mér leiðast aðeins meira í vinnunni til að nenna því:) Góða helgi fiskar og samkynhneigðir.

Versló !!!!

2007-08-03T11:33:00.000Z

Loksins er þessi dagur komin og ég er að springa úr gleði og dagurinn er nú ekki að líða neitt rosalega hratt. Ég fór í ríkið í gær og verslaði fyrir helgina það var gaman. Frétti svo hjá mömmu að hún hefði leift Heiðdísi systir að vera í sveitinni um helgina en ég sagði sko að ég hefði beðið fyrst og spurt alla í fjölskyldunni, þannig ég á réttinn. Fyrstur kemur fyrstur fær:) Allavega mamma ætlar að segja henni að við ætlum að vera þarna ekki hún.

Annars var ég að spá í að kíkja út á djammið með Söndru í kvöld, vonandi verður það gaman. Hlakka pínu til og svo er ég ekki að nenna bæjar djammi því ég er svo ákveðinn í útileigunni minni:) en þetta verður fínt.

Það er ógeðslega óholt í matinn í dag (Berneshambó) og ég ætla svo að fá mér að það er ógeðslegt. Og mér verður örugglega óglatt eftir hann en hann verður góður. Það er frekar lítið að gera í vinnunni en ég get bætt úr því þegar ég nenni og geri það líklega þegar ég er búin að skrifa þetta bull:) ok

En Brad Pitt varð fyrir valinu sem hönk verslunarmannahelgarinnar. Verð að segja að hann er ansi fine á þessari mynd. Njótið hans vel og hafið það gott um versló. Ekki djamma of mikið og gangið hægt um gleðinnar dyr.

1 dagur

2007-08-02T13:22:00.000Z

Já já þið fáið eina mynd dag og svo kemur hönk vikunar. Þetta er geðveikt það er að koma Versló og ég að fara í frí. Í kvöld ætla ég að fara á Hvanndalsbræður með vinnunni og skemmta mér konunglega, ef fólk vill með þá endilega mæta. Annars er bara brjálað að gera í vinnunni allir að vinna upp fyrir helgina og svona. Við vinkonurnar ætlum að kíkja í sveitina um helgina og slappa af og grilla og hafa gaman. Mæja og Sverrir ætla að mæta og ég held að það verði vara fjör hjá okkur. Kunnið þið einhverja leiki sem hægt er að fara í út í sveit, bæði úti og inni. Ég mun sörfa um netið á eftir og finna myndir til að hafa um helgina og ég lofa hún verður djúsí. Jæja verð að halda áfram að vinna og vera dugleg. Heyrumst.

4 Dagar

2007-07-31T09:49:00.000Z

Já það var nú gaman að kíka í neglur til hennar Birnu í gær, hún er að fara til Spánar, ég var að spá í að vera í töskunni hjá henni. Annars líst mér ekkert lengur á þessa versló, það er bara spáð rigningu alla helgina nema í Reykjavík. Ekki gott og vonandi breytist spáinn þegar líður á vikuna. Annars er bara allt gott að frétta og ég er að fara í smá frí sem ég er búin að þrá lengi og þegar það er búið þá eru bara 2 vikur í skólann. Vey get ekki beðið. Ég var reyndar að spá í að það þarf að halda smá upphitunar party hjá bekknum mínum áður en við byrjum í skólanum. Það yrði geðveikt. Vonandi sér Anna bara um það.

En Gugga mín ég er nú bara sammála þér með hann Stuart Townsend, hann var ansi myndarlegur og vel þess virði að kíkja á myndir af honum. En endilega haldið áfram að koma með tillögur um Vesló hönkinn. Hann verður að vera djúsí. En Gugga ertu að fara suður bráðum? Ég vissi það ekki, hvenær ferðu og gangi þér vel í prófunum.

Ég er ekki tilbúin að setja mynd af honum að kissa Jessicu því ég sé hann ennþá með henni Cameron, hún er svo miklu sætari en Jessica. Vá talandi um að taka niðurfyrir sig. Ég held að ég haldi bara áfram að setja fallegar myndir af þeim, sem mér finnst flottar og vonandi ykkur. Jæja er þá ekki komin tími til að hlusta á veðrið og krossleggja fingurnar fyrir góðu veðri. Bæ í bili.

Það er að koma Versló

2007-07-30T09:42:00.000Z

Gaman gaman um versló, er örugglega að fara í Ásbyrgi og slappa af eða þá að verð ég bara í sveitinni að chilla í pottinum. Var þar um helgina og ég er ekki frá því að ég hafi bara brunnið smá á höndunum. Það var ekkert smá gott veður þar og allir á svæðinu að skemmta sé, fara í pottinn, leika sér á fjórhjóli og sóla sig. Geðveikt. Annars eru bara 4 vikur þangað til ég byrja í skólaum eða 27 dagar þangað til ég hætti að vinna og 29 þangað til ég byrja í skólanum. Ég get ekki beðið.

Fór aðeins út með Heiðrúnu um helgina og hitti Berglindi, Valgerði og Gunnhildi og skemmti mér bara alveg ágætlega, fór samt snemma heim að sofa. Annars var þetta rólyndis helgi og góð afslöppun fyrir næstu helgi. Það verður sko gaman um versló.

Í sambandi við þessa áskorun þá er ég að spá í að sleppa þessari áskorun ég er ekki með hönk vikunar til að gera lítið úr þeim, heldur til að láta fólk hafa gaman af þeim. Mig vantar reyndar hugmyndir um næsta hönk, hann verður að vera mjög myndó því hann þarf að lifa alla verlsó alveg einn og óstuddur. Þannig leggja í bleiti og koma með góðar hugmyndir:) Jæja bæ í bili.

Helgin kominn

2007-07-27T10:42:00.001Z

Þá er aftur komin helgi og ég skopaði þennan Sleeper Cell gaur og það er ekki til nóg af flottum myndum til að gera heila viku úr honum. En ég komst að því í leiðinni að það er búið að fjölga ansi mikið af myndum af honum Justin Timberlake og því er hann hönk vikurnar að þessu sinni. Ég verð að segja að það er búið að rætast ansi vel úr drengnum, miðað við hvað hann var lítill og asnalegur fyrir nokkrum árum eða þegar hann var með Britney. Annars er bara allt gott að frétta hitti stelpurnar um daginn og það var voða gaman, komst að því að hún Gugga mín er sett 10 nóv og ætlar að geyma það í einn dag og eiga það á afmælinum mínu og Birgittu. Það yrði geðveikt.
Planið er að vera róleg um helgina og slappa af en plön breytast eins og alltaf þannig ég er með varan á. Ef einhverjar hugmyndir eru í gangi um hvað gera skal um helgina þá er ég opin fyrir þeim. Ég ákvað að hafa tvær myndir vegna þess að það kom enginn mynd í gær. Njótið nú myndanna því hann er jú ansi fæn á þessum myndum og við heyrumst síðar með góða sögu af helginni.

1408

2007-07-25T10:07:00.000Z

Fór með Möttu frænku í bíó í gær á 1408 og ég verð að segja að ég varð bara nett hrædd það var allavega alveg nóg af bregðu atriðum. Allaveg tók Matta og öskraði nokkrum sinnum og ég heldi ég líka. Allaveg þá mæli ég með þessari mynd, hún er góð afþreying. Gerði svo ekki mikið meira í gær en að horfa á tv og borða nammi. Magnea lét mig borða helling af nammi í gær og ís:)

Verð samt að segja að þessi vika er ekki að líða alveg jafn hratt og ég vildi óska mér en þetta þokast. Ég verð bara að halda áfram að gera eitthvað skemmtilegt á kvöldin eins og ég er búin að vera að gera. Það er nebblega búið að vera helvíti gaman þessa vikuna, búin að taka spilakvöld og fara í bíó og hvað á þá að gera í kvöld?

Annars er ég bara að vinna og láta mér leiðast þangað til um versló og þá ætla ég í ferðalag og skemmta mér. Svo fékk ég rosa góðar fréttir í gær sem ég er mjög ánægð með ef þær ganga upp en best að vera ekki að ræða það of mikið fyrr en þær eru ákveðnar. Bæ í bili

Spila spila

2007-07-24T10:46:00.001Z

Í gær fór ég og hitt hana Guggu óléttu og Örnu gellu og við vorum að spila eins og í gamla daga. Það var ekkert smá gaman, við vorum farnar að hlæja eins og vitleisingar og skemmtum okkur alveg konunglega. Verðum að gera þetta oftar. Geggjað gaman. Svo var ég að tala við Ingu um daginn og við vorum að tala um það hvað það var gaman í þá gömlu góðu þegar við tókum okkur til og púsluðum. Það var gaman í þá gömlu. Við vourum einmitt að rifja það upp þegar við vorum að vinna á Crown og hún Muriel var að vinna með okkur og hún Matta var orðin svona frekar þreitt á henni og bað hana að setja í pott og hún spyr eins og fáviti hvort hún eigi að setja í heilana og Matta lítur við og segir "Já og skutlaður þér svo sjálf ofaní og lokaðu á eftir þér". Það var gaman á Crown. En nóg af rugli.

Var að hlusta á útvarðið áðan og það kom auglýsing fyrir Ólafsvöku, vá hvað mig langar að fara á hana, það yrði örugglega geðveikt gaman.

En er ekki best að fara að vinna og gera eitthvað að viti til að láta tíman líða. Bæ í bili.

Notaleg helgi

2007-07-23T11:41:00.001Z

Já vitir menn, ég var bara heima alla helgina og gerði ekki neitt. Var úti að hjálpa mömmu og pabba í garðinum og fór á miðaldasýninguna á Gásum og svona en annars var ég bara heima að slappa af og horfa á sjónvarðið. Það var helvíti gott og ég verð að segja að ég er bara nokkuð hress fyrir vikunni. Það eru 33 dagar þangað til ég er hætt að vinna og það eru 35 dagar þanngað til ég fer í skólann. Vá mig hlakkar ekkert smá til að byrja aftur í skólanum.

Síðan var ég að spá í ágúst að hafa smá partý í sveitinni og bjóða krökkunum í bekknum og svo bara öllum sem vilja koma, vinum og ættingum. Ég held að það yrði geðveikt gaman.

En þessi ásorunar keppni er ekkert erfið og ég er ekkert smá góð í henni. En hún er skemmtileg. Vonandi verður þessi vika fljót að líða eins og síðasta vika því ég nenni ekki vinna lengur, mig langar bara að byrja í skólanum aftur. En þetta er alveg að verða búið.

Annars er ekkert merkileg að frétta, var bara róleg um helgina og stóð við loforðið mitt að fara í þynkumat með Heiðrúnu, sem við samhryggjumst öll með því bíllinn hennar er bilaður. En já bara gott að frétta og lítið að gerast. Heyrumst

N.E.R.D.

2007-07-20T09:15:00.000Z

No one ever really dies. Það er massa hljómsveit og hann Pharrell Williams er meðlimur og eins og sést þá er hann helvíti myndarlegur. Hann mun vera næst hönk vikunar og ég ætla að reyna að hafa mynd á hverjum degi núna, en það er búið að vera svo mikið að gera að ég hef ekki haft tíma til að vera að blogga. Það verður samt lika örugglega mikið að gera í næstu viku því þá fer Arna í frí en ég skal gera mitt besta. Annars er þetta sumar alveg að verða búið og ég hef ekki gert neitt að viti og geri líklega ekki en þannig er það nú bara.

Það er komin helgi og ég ætla bara að vera heima og slappa af og jafnvel klára að mála húsið heima og svona, allavega ekkert djamm um þessa helgi. Þessi vika er búin að vera ekkert smá fljót að líða og ég held það sé vegna þess að ég fór á date með Heiðrúnu og svona, maður verður að gera eitthvað til að tíminn líði. Svo ætla ég að fara á Nings í dag og fá mér hádegismat og slappa af í smá stund, það er tilbreyting í daginn:)

Svo er ég að fara í afmæli í kvöld til Mínu frænku og fá mér kökur og svona, það verður gaman að sjá familyuna. Annars er þetta allt sem gert verður um helgina og borða þynkumat með Heiðrúnu eftir Reunionið hennar:) En nóg í bili, góða helgi og heyrumst.

Meistari áskorananna!!!

2007-07-17T16:19:00.000Z

Wo ég er allt of góð í þessum leik. Ég stenst allar áskoranir sem sendar eru á mig. En Guðrún ég er löngu búin að hafa litla bróðirinn í Heroes hann var fyrstu í sumar. En Edward í American History X er nokkuð góður þannig hægt að skoða það. Koddu með dæmi um einhvern sætan svartan gaur annan en Snoop Dog þá skal ég hafa hann.

Annars er bara gott að frétta, rosa heitt í vinnunni og ég frekar löt. Ætla í bíó í kvöld með Heiðrúnu að sjá Harry Potter, hlakka feitt til.

Var svona frekar ölvuð um helgina en skemmti mér bara nokkuð vel og kom að sjálfsögðu heim undir morgun eins og alltaf. En það er besti tíminn til að fara að sofa á:)

Hef reyndar ekki mikið meira að segja að svo stöddu en að ég RÚLLA UPP ÞESSUM ÁSKORUNUM!!!!

Nýtt hönk:)

2007-07-13T11:05:00.000Z

Já eftir að hafa hangið á mér og beðið mig endalaust um að fá að vera hönk vikunar, gat ég ekki annað en leift honum að vera hönk. Enda er hann nú með nafn sem gefur til kynna að hann sé nú smá hösler:) :) En þetta er hann Gerald vinnufélagi minn. Verð að segja að hann er nú bara nokkuð góður í Zoelander svipnum.
En ég fékk tilboð í svona sæta kisu í gær og ég er alveg að deyja mig langar svo í hana, en að sjálfsögðu vill mamma ekki sjá hann, henni finnst hann ljótur. En kötturinn er ekki handa henni heldur mér. Mig er búið að langa í svona kisu svo lengi og ég get nú ekki bara fengið mér kisu þar sem ég bý nú ennþá hjá ma og pa. Þannig leið og ég er flutt að heiman þá ætla ég að fá mér svona kisu. Einnig ef þið hafið einhver ítök með gömlu þá megið þið alveg reyna að samfæra hana um að ég megi fá hana Bitu litlu:)
Annars þá er ég að fara í matarboð til Heiðrúnar í kvöld og svo í afmæli til Kristínar á Laugardaginn þannig það er nóg að gera um helgina.
Reddið mér þessum ketti:) :)

Er til eitthvað sætara en þetta!!!!

2007-07-12T14:52:00.001Z

Hæ mig langar suður um helgina:)

2007-07-12T11:25:00.000Z

Er einhver til í að koma með mér suður um helgina og ef ekki vill þá einhver koma með mér í útileigu? Og það sjá það allir að maðurinn er ber á myndinni og hann er ekki í sokkum. Það er alveg á hreinu, ég nebblega þekki hann. En hver verður næsta hönk, Gerald er búin að biðja um að fá að vera næstu, eru allir sáttir við það?:)

Annars var ég heima í gær með illt í maganum og er reyndar ennþá illt í maganum en ekkert eins og mér var í gær. Mig langar svo að gera eitthvað um helgina og svo er það spurninginn hvað á að gera um versló mig langara kannski að gera eitthvað um versló:)

Alla vega þá hef ég ekkert að segja nema einhver fara með mér suður um helgina:):)

Það er ekki beðið um lítið

2007-07-10T09:27:00.000Z

Síðasta áskorun var sú að ég myndi finna mynd af honum Josh nöktum, og ég verð að segja að ég hafi staðið mig nokkuð vel, ekki satt? En þá er ég að sjálfsögðu að tala um myndina hægra meginn, hin var bara með upp á gleðina. Þetta hefði komið upp í gær ef það hefði ekki verið svona mikið að gera hjá mér en svona er þetta bara stundum.

María mín ef þú lest þetta þá verðum við að fara að hittast heima hjá henni Völu og hafa spjall. Maður má nú ekki alveg gleyma skólafélögunum.

Annars er bara þokkalegt að frétta, er reyndar nett slöpp með smá hausar og svona en vonandi er það bara eitthvað sem líður hjá þegar líður á daginn. Hef í raun ekki mikið að blogga um þessa stundina þannig þá er bara best að hætta og leifa myndinni að tala sínu máli:)

Josh Duhamel

2007-07-06T13:26:00.000Z

Nýtt hönk og ég verð að segja að ég stóð mig bara nokkuð vel núna í því að velja hönk. Þessi drengur er alverg að gera það í þáttunum Las Vegas og svo er hann líka kærastinn hennar Ferge. Ekki slæmt það. Það er reyndar allveg hellingur að gera hjá mér núna þannig þetta verður bara að vera stutt í dag.

Annars þá fékk ég þrífótinn minn í gær og þá er allt dótið sem ég pantaði á ebay komið í hús og ég þurfti að borga tollinum alveg heilan 700 kall. Nokkuð gott.

Svo er það brúðkaup um helgina og allt að gerast vona bara að það verði skemmtilegt og að allt gangi upp. Er reyndar orðin pínu stressuð fyrir þessu með myndirnar, vonandi gengur þetta upp. Allaveg fór og keypti mér pils, bol og skó í gær og er því alveg klár í saginn.

Jæja verð að vinna allir í fríi og allt of mikið að gera til að vera hanga á netinu:)

Ný áskorunn

2007-07-05T14:11:00.000Z

Ég er ekki frá því að ég standist þessa áskorunnlíka, með príði meira að segja. Guðrún þú verður að gera þetta meira krefjandi fyrir mig:) en það er alveg að líða að brúðkaupi og allt fjörið er að fara að byrja. Heiðrún ég fékk að fara í bæinn í morgun og ég keypti mér bol/peysu og pils þannig ég er víst búin að skoða, en ég vil alveg fara með þér ef þú vilt að ég komi með þér:)

Annars er bara allt gott að frétta, er að vísu alveg að kúka á mig í vinnunni, það er búið að vera ansi mikið að gera í þessari viku eins og þið sjáið þá er bloggið mitt að finna fyrir því. En þetta er alveg að verða búið og þá get ég aftur farið að lifa eðlilegu lífi í vinnunni.

En er einhver með hugmynd um að gera eitthvað skemmtilegt saman við frænkurnar, jafnvel halda party í sveitinni og bjóða vinum okkar og skemmta okkur. Er einhver til í það?

Annars þarf ég að fara að finna mér tima til að fara suður, bara það er alltaf eitthvað annað að gerast og ég kemst aldrei. En ég finn út úr því. Annars er ég að deyja mig langar svo til útlanda, ég mæli ekki með því að fara til útlanda í byrjun sumars og eiga þá ekkert eftir það er ekki gaman að vera í vinnunni allt sumarið:) En jæja njótið myndanna því það kemur víst nýr á morgun ef ég hef tíma.

Tek þessari áskorun

2007-07-04T09:18:00.000Z

Góðan og blessaðan daginn og afsakið biðina, það er búið að vera rosa mikið að gera hjá mér þessa dagana. En þessari ákorun hennar Guðrúnar verð ég að taka og ég verð að segja að mér hafi tekist ágætlega upp en þið segið mér, það sést ekki í geirvörtur og hann er ekki ber að ofan og ekkert glas í hendinni á honum:) ég stóð mig bara vel ekki satt.

Það er alveg að koma brúðkaup og ég er ekki búin að kaupa mér neitt fallegt til að vera í en ætli ég verði ekki bara í einhverju þæilegu svo ég geti skemmt mér eins vel og hugsast getur. Kannski ég skreppi í bæinn og skoði mér bol og pils eða eitthvað en er ekki búin að ákveða mig. Veit ekki hvot ég nenni að vara í pilsi og veit ekki hvort það eru til flott pils í þessum bæ. Heiðrún ef þú nennir viltu koma með mér í bæinn?

Allavega þá er ég ennþá að bíða eftir þrífætinum mínum en ég fékk linsurnar strax, ekki nógu ánægð með þetta. En hann er kominn til landsins þannig að ég þarf bara að bíða þangað til hann kemur heim til mín. En nóg í dag verð að fara að vinna:)

Matthew McConaughey

2007-06-29T11:43:00.000Z

Er þetta grín ég er ekki búin að hafa Matthew sem hönk vikunar, ég er ekki með öllu malla... ok ég er það náttúrulega ekki. En allavega þá er hann Matthew nýja hönkið og er hann ekki myndarlegur. Hann er fæddur 4 nóvember 1969 í Texas í Bandaríkunum. Hann er yngstur af sínum sistkynum. Hann er írskur að uppruna. Hann er búin að leika í fullt af myndum og er alltaf jafn sætur í þeim öllum, ein af minum uppáhalds myndum er Sahara og svo strax á eftir henni er Reign of Fire. Annars er hann búin að leika í svo mörgum myndum að ég nenni ekki að telja upp fleiri myndur. Þetta virðis ætla að vara nokkuð góður dagur í dag allaveg er hann búin að vera nokkuð fljótur að líða.
Svo fékk ég linsurnar mínar í gær og ég er ekkert smá ánægð með þæ, en nú er bara spurningin hvar er þrífóturinn minn. En allaveg alveg að springa úr monti með nýja dótið mitt:) þarf núna bara að fara að æfa mig.
Helgin verður líklega róleg en er alveg til í eitthvað rugl ef einhver nennir, er opin fyrir öllum hugmyndum nema að fara suður því ég á engan pening. Núna ætla ég í mat hafið það gott í dag og góða helgi.

Helgin er að koma!!!

2007-06-28T15:14:00.000Z

Já þetta er allt að batna þessa dagana, ekki eins illt og mér var þannig skapi orðið betra og ég öll að koma til. Byrjaði á Danska kúrnum í morgun aftur og ætla svo að vera dugleg að hreyfa mig, ég er komin með nóg af því að vakna með feituna:) En annars þá er allt bara gott og helgin framundan og eins og Gerald benti mér á áðan þá finnst mér gott að drekka og mun því líklega gera það um helgina. Svo er það hún sistir mín hún er að fara að gifta sig um næstu helgi og ég er skipaður ljósmyndari, ég vona bara að mér eigi eftri að ganga vel. Hey ætlaði út að hjóla í gær á hjólinu mínu sem er með glæ ný dekk en eitt dekkið var gallað þannig það gekk ekki upp. Frekar fúl þar sem ég ætlaði að vera dugleg úti.

Voruð þið búin að heyra af þessum ógeðslegu drengjum sem drápu hundinn hérna á Akureyi, þeir settu hundin í tösku og spörkuðu svo töskunni á milli sín þangað til hundurinn dó. Guð sé lof þá náðist þetta allt á öryggismyndavél. Ég held að þetta hafi verið hundur stelpunar sem vinnur í Blómaval í dýrabúðinni. Ég trúi ekki að fólk geti gert svona.

En annars þá er þetta síðasti dagurinn hjá hönkinu okkar, en spurningin er sú hver verður á morgun... En nóg af þessu bulli bæ.

Miðvikudagur, hvaða dagur?

2007-06-27T14:45:00.000Z

Einmitt ég verð að segja það að miðvikudagur er enginn dagur, ef ég má vitna í hann Joey vin minn. Það gerist ekkert skemmtilegt á miðvikudögum. En annars er þessi dagur alveg ágætur ekki jafn slöpp og í gær en er núna með feituna á mjög háu stigi. Ekki að fíla þetta með feituna þannig þá er það bara megrun og byrja aftur í danska og fara að hreyfa sig. Heiðrún eða Brynja ef þið viljið koma út að hjóla á kvöldin þá er ég til í það. Annars fer ég bara með mömmu, oj smá sorglegt. Langar að fara að fá dótið mitt sem ég pantaði á ebay en verð víst að slaka á þetta tekur víst allt sinn tíma, er bara ekki mjög þolinmóð þessa dagana.

Annar á þessi helgi að vera afslappandi en ég held ég nenni því ekki, verð held ég að fá mér feitt í glas og slappa vel af og gera ekki neitt nema vera þunn:) Það er rosa gott ef maður spáir í því, því þá er maður bara heima að gera ekki neitt annars er maður alltaf að hugsa ég ætti nú að vera að gera eitthvað núna annað en að hanga og horfa á TV. Þannig best að detta bara í það:)

Annars er ekkert meira að frétta er ekki einu sinni búin að hugsa það hver næsti hönk á að vera þannig liggur á mér þessa dagana, en finn vonandi einhvern sætan fyrir ykkur. En þangað til á morgun bæ.

Ekki góður dagur

2007-06-26T13:54:00.000Z

Já þetta ætlar ekki að vera góður dagur, í fyrsta lagi líður hann ekkert í öðru lagi er eitthvað að mér sem ég veit ekki hvað er en er ekki ánægð með. Þannig hreint út sagt ekki góður dagur. Svo gerði ég ekkert í gær var bara með hausverk og læti og nennti ekki að gera neitt. Vonandi er ekkert alvarlegt að mér.... Annars er það þannig að ég keypti mér tvær linsur í gær á ebay vonandi gengur það allt upp eins og ætlast er til og þá verð ég pínu glöð þegar ég fæ þær. Þá er safnið bara að verða klárt og ég get farið að taka myndir eins og sannnur ljósmyndari:)

Annars í slúðrinu er það bara það að hún Paris Hilton er sloppin úr fangelsi, ánægð fyrir hennar hönd, vonandi byrjar hún ekki að rúnta á bílnum full aftur.

Svo er það nýja málið hjá mér og það er að fara að vera dugleg að hreyfa á mér rassgatið í stað þess að hanga heima og horfa á TV, en málið er að fara út að hjóla eða labba eins mikið og hægt er, ég er orðin allt of feit!!! Jafnvel byrja aftur í danska það væri ráðlagt. En nenni ekki að bulla meira þar sem ekkert er að segja, heyrumst.

Helgin búin

2007-06-25T14:20:00.000Z

Þetta var fín helgi, stal engu og blótaði lítið:) Nei bara að fíflast nei þetta var fín helgi gerði sem minnst og hafði það bara gott. Vann reyndar fjölskylduna í Póker eins og vanalega. Fór í sveitina á laugardag og sunnudag, verð að segja að ferðin í sveitina á sunnudeginum hafi verið betri en á laugardeginum. Hefur eitthvað að gera með Lóu, nenni ekki alveg að fara út í það núna. Svo var ég vara að leika mér að taka myndir og fíflast.
Ef þið eruð ekki búin að lesa Perez Hilton í dag þá verið þið að gera það, það eru stórar fréttir um einn af fyrrverandi Hönkum vikunar. Wentworth Miller hann er víst ekki sá sem við heldum að hann væri. En ég verð að segja að þetta kemur mér ekkert ofsaleg mikið á óvart en verð engu að síður að viðurkenna að ég er nett fúl að maðurinn er GAY!!!!!
Síðan er það spurningin ég held ég geti keypt mér tvær linsur á verði einnar og þær eru nýjar en þær kosta 30000 og svo þarf að borga tolla, á ég að tíma þessu eða ekki??? Langar rosalega í þær:)
En já hef ekkert meira að segja og hlakka bara til að fara á tónleika með Cris Cornell og svo þarf ég að finna mér helgi til að fara suður og leika mér eina helgi:)
Bæ bæ

Ryan Reynolds

2007-06-22T12:57:00.000Z

Þá er komið að nýju hönki og eins og vanalega er hann ekki af verri endanum en það er hann Ryan og eins og þið sjáið þá er hann fjallmyndarlegur. Hann er fæddur 23 oktober 1976 í Vancouver í Kanada. Hann er búin að leika í nokkrum góðum myndum eins og Van Vilder, Blade 3 og svo núna í Smokin´Aces. Hann er yngsur af 4 sistkynum. Hann var trúlofaður Alanis Morissette en þau eru nýbúin að slíta trúlofunni. Sem er mjög gott fyrir okkur hinar, ekki satt. Annars er ekkert að frétta nema það að ég er að verða ljósmyndari bráðum og ég verð að segja að ég hlakka bara til, nú þarf ég bara að fara að æfa mig að taka myndir með blurri:)

Hitti hana Maríu í gær og hún var bara hress og kát, hjálpaði mér að stela smá drasli og það var rosa gaman. Ekkert alvarlegt lofa. Annars á þetta bara að vera rólega helgi verð líklega bara einhversstaðar með myndavelina mína að leika mér. Svo er ég að fara á Cris Cornell tónleika í september með henni Heiðrúnu, hún á víst afmæli þá þannig það verður rosa gaman held ég. Að öðru leiti er það bara að halda áfram að vinna og #$%%$&$!#$%&$ á eftir (of ljótt til að segja það). En góða helgi og sjáumst og bannað að sleikja skjáinn....

Tónleikar með Cris Cornell

2007-06-21T10:10:00.000Z

Tónleikarnir eru reyndar ekki fyrr en í september en mig langar geðveikt að fara og er bara að spá í að skella mér. Ef þið vitið ekki hver Cris Cornell er, þá skal ég segja ykkur það, hann er sögnvarinn í Audioslave og söng titillagið í nýju James Bond myndinni, hann er æði. En annað þá fór ég í bíó í gær á Hostel 2 og ég verð að segja að ég er orðin ónæm fyrir svona myndum eða þá að ég var búin að búast við miklu meiru. Varð alla vega ekkert óglatt og svaf bara eins og lítið barn í nótt. Myndin The Hills have Eys er ennþá á toppnum yfir ógeðslegustu myndir sem ég hef séð. Annar var dagurinn í gær bara frekar leiðinlegur því hann ætlaði aldrei að enda.

Vá hvað ég ætla á þessa tónleika og hafa gaman af þvi. Og já svo verslaði ég mér þrífót á netinu í morgun fyrir aðeins 16,49 $ með sendingarkosnaði. Nokkuð góð verð ég að segja. Svo er ég að bjóða í tvær linsur en það er ekki að ganga vel allir alltaf að hækka og hækka nenni því ekki. En kannski verð ég happinn.

Jæja þá var denni að mæta með fullt af reikningum þannig best að fara að vinna ekki satt:)

Bíó í kvöld

2007-06-20T13:00:00.000Z

Það er sko bíó í kvöld og myndin er Hostel 2. Vá mig hlakkar svo til að sjá hana. Svo er Binna og Svenni og börnin að koma heim í kvöld. Það verður gaman að sjá þau aftur. Annar er þetta bara nokkuð góður dagur, fór á Sauðárkrók í morgun að ná í bíla og var ekki komin aftur fyrr en um hálf 11, þannig morguninn var mjög fljótur að líða og vonandi verður seinni parturinn líka fljótur að líða. Það er nebblega miðvikudagur og það er Brynju ís dagur. Annars bara allt í rólegheitunum í gær sofnaði ofur snemma og er þess vegna frekar lúin núna. Ég er held ég búin að ákveða hvað ég ætla að gera um helgina og það er að klára bara að mála heima þannig ég þurfi ekki að hugsa um það frekar. Verð held ég ekki lengi svona 1 til 1 og 1/2 dag, sem er fín vinna. Svo ef þið hafið hugmyndir um að gera eitthvað endilega koma með hugmyndir. Þarf ekki að vera hugmynd sem framkvæma þarf strax hún má vera seinna í sumar.

Já þá nenni ég ekki að babbla meira en segi ykkur allt um myndina á morgun....

Vinni vinn

2007-06-19T10:38:00.000Z

Veit ekkert hvað ég á að segja, hef voða lítið að segja í dag. Fór í klippingu í gær það var gaman og fékk mjög flotta klippingu. Svo var ég bara heima og horfði á tv og var í nettri fýlu yfir því að allir uppáhalds þættirnir mínir eru búinir í bili. En svo er það þannig að ég verð að fara í bíó að sjá Hostel 2 en það er bara spurning hver vill koma með mér. Þetta er nú ekki myndi sem alla lagar að sjá. Ég finn út úr því. Annars í gær þá eignaðist ég mynd sem mig er búið að langa að eignast í svona 5-10 ár. Þetta er bara ævintýria mynd sem ég man alltaf eftir sem mér fannst æði og nú á ég hana. Bara til að gera ykkur forvitin þá er ég búin að ákveða hver næsta hönkið á að vera og verð að segja að hann er bara nokkuð myndarlegur þó ég segi sjálf frá.

Hvað er með þessa þoku alltaf, ég hélt að það ætti að vera geðveikt gott veður í þessari viku svo ég geti byrjað að mála húsið heima að utan en ég nenni þvi ekki ef það er engin sól. Já og svo er það helgin sem er framundan það eru eingin plön fyrir hana nema að vera bara í afslappelsi og hafa það gott. Fara eitthvað út með myndavelina mína og leika mér. Er því miður ekki búin að vera nógu dugleg að leika mér á hana upp á síðkastið en fer að breyta þvi. Nóg komið af bulli bæ.

Góð helgi

2007-06-18T11:10:00.001Z

Þetta var ein best helgi ever, það var ekkert smá gaman í raftinginu. Mæli með því við alla að fara í rafting. Vá þetta var ekkert smá gaman og ég fékk hana Mæju vinkonu til að koma með mér sem gerði ferðina bara skemmtilegri. Við vorum sem sagt 9 sem fórum á endanum ég, Mæja, Gummi, Eggert, Pálmi, Teitur, Þröstur og pólverjarnir. Eggert, Gummi og Teitur voru í öðrum bát og á stað sem kallaður er græna herbergið, sem eru stærstu flúðirnar í ánni, þar hvoldu þeir bátnum sínum og ég myndi borga pening til að fá að sjá svipina á þeim aftur þegar þeir komu upp úr vatninu. Skelfingar svipurinn á andilitinu á þeim var óborganlegur. En svo var þetta bara nokkuð skemmtileg fer í alla staði, held að allir hafi farið út í hvort heldur þeim hafi verið hent út í eða þeir farið sjálfviljugir. Síðan var að sjálfsögðu fengið sér bjór og smá næring að lokinni ferðinni og svo fórum við í bæinn og bögguðum mömmu og Kidda og fórum svo heim. Ég fór svo á djammið með Helgu, Önnu og krökkunum það var rosa gaman kíktum svo á Eggert heim til hans og fór svo í bæinn. Það var fínt í bænum ....

Annars var þetta bara nokkuð góð helgi og ég held að það sé vegna þess að ég fann svo góðan hönk á föstudaginn. Annars þá er ég að fara í klippingu í dag það verður gaman og gott enda alveg hætt að ráða við hárið á mér. Svo veit ég ekki hvað ég geri í kvöld líklega ekkert enda allir góðu þættirnir búnir eins og Grey´s og Heroes, nú eru mánudagar ekkert skemmtilegir lengur. En jæja heyrumst á morgun.

Hönkið Paul Walker

2007-06-15T13:04:00.000Z

Ég verð að segja að þetta sé einn myndarlegasti maður sem ég hef séð og skil ekki enn af hverju ég er ekki búin að gera hann að hönki vikunar en svona er maður ruglaður stundum. Hann Paul er fæddur þann 12 september 1973 í California USA. Hann er 1,91 cm á hæð. Ég vissi að hann væri fjallmyndalegur. Hann á 4 sistkyni og er elstur. Hann á dóttur sem fæddist 4 nóvember 1999. Eins og allir vita þá lék hann í Fast and the Furious og svo 2Fast 2Furious. Leit ansi vel út í þeim báðum. Síðan lék hann í Into the Blue með Jessicu Alba. Ekkert smá flott bæði í þeirri mynd. Hann er búin að leika í fullt af myndum og er alltaf jafn sætur.

En þá er það slúðrið hjá honum Perez Hilton og ef þið eruð ekki búin að skoða myndirnar af henni Angelinu Joly þá verið þið að gera það. Vá þetta er rosalegt hún er ekkert smá mjó... Annars er Perez ekki ánægður með hana Jessicu Alba heldur en ég nenni ekki að fara út í það því mér finnst hún æði. Fór til dæmis í bíó í gær á Fantastic fore og hún var alveg ágæt, fín afþreying.

Annars er ekkert rosa mikið að frétta, það er afmæli hjá Ingu í kvöld og allir að fara að djamma nema ég þarf að fara að sofa snemma því ég er að fara í rafting í fyrramálið. Það verður geðveikt. Ég er búin að vera að reyna að fá mömmu með í rafting en hún þver tekur fyrir það, það hefði verið gaman að hafa gömlu með og fylgjast með henni, óborganlegt.

Já það er föstudagur og ekkert að fara að gerast nema bara róleg heit og vinna, best að snúa sér að henni aftur. Heyrumst og hafið það gott um helgina.

Helgin nálgast

2007-06-14T11:06:00.000Z

Það fyrsta á dagskrá í dag er það að óska henni Helgu vinkonu minni til hamingju með það að hafa komist inn í ljósmyndaskóla Sissu. Ég er mjög stolt af henni fyrir að vera gera eitthvað sem hana lagar að gera. Annar er svo um ekkert að frétta af mér nema það eru allir að biðja mig að breita plönunum mínum um helgina en það bara gengur ekki, ég ætla i rafting þó ég missi af mesta djammi í heim á föstudagskvöldið. Út í allt annað en ég fór á línuskauta í gær og ég hélt í alvöru að hann Arnar ætlaði að drepa mig, ég hef aldrei verið jafn þreitt og ég var þegar ég var búin í tímanum. En þetta var nú samt ótrúlega gott fyrir egoið að ég hafi getað þetta og ég var ekki síðust í mark helur:) það skiptir mig mjög miklu.

Guðrún mín auðvitað hittumst við um helga og ég hlakka bara til að hitta þig og sjá nýjustu breyinguna, mér finnst það gaman:)

Það er frekar lítið að gera í vinnunni í dag nema hanga og fara yfir bókanir sem ég er ekki að nenna að gera en svona er nú hið raunverulega líf, ekki alltaf dans á rósum. Svo er það spurningin hvað á ég að gera af mér í kvöld, ég enda örugglega heima að horfa á TV sem er reyndar ekki svo slæmt ágætis sjónvarpskvöld í kvöd House og svona. Núna er ég samt bara að bulla eitthvað rugl. Þá er tími til komin að segja bæ og ég minni á að nýtt hönk kemur inn á morgun.

Þá er ég orðin ljósmyndari

2007-06-13T11:21:00.000Z

Nei ætli það en ég er allavega fróðari um það hvernig þetta allt virkar og svo er bara að æfa sig. Þetta námskeið var mjög skemmtilegt og gott ef þú varst með canon myndavél, þeir sem voru með öðruvísi vel fengu ekki alveg sömu kennsluna og þeir með canon, en engu að síður mjög gott námskeið. Rosalega mikið af upplýsingum á tveimur dögum en ég held að ég muni vera orðin rosa góð fyrir brúðkaupið hennar Heiðdísar sistir. Annars var gærdagurinn bara skemmtilegur, gerði svo sum ekki mikið en hann var fljótur að líða. Helgi og Gréta eru að laga húsið sitt fyrr útskriftina hans Bjarna frænda sem er á laugardaginn eða sunnudaginn man það ekki, en það er víst alveg hellingur eftir að gera, er þá ekki spurningin að byrja fyrr á verkinu ekki geyma það þangað til 2 vikum fyrir og byrja þá, sérstaklega ef maður er búin að vera í 6 mánaða fæðingarorlofi. En þetta er bara það sem mér finnst um málið og þarf ekkert að ræða það frekar enda verð ég örugglega ekki þarna. Verð í rafting allan laugardaginn og svo ætla ég að vera svo þunn á sunnudaginn að ég verð að vera í rúminu eða á rúntinum niðrí bæ að borða ís og nammi. Perez Hilton er ansi skondinn gaur og maður veltir því svona fyrir sér hvernig hann fær fréttirnar alltaf fyrst, hann er ótrúlegur. Ég er að fíla hann í botn.

En best að fara að vinna aftur og halda áfram að fara yfir allar þessar skemmtilegu bókanir:)

Loksins loksins

2007-06-12T14:23:00.000Z

Þá er þetta loksins að verða klárt hjá mér þetta blogg, ég er búin að vera að reyna að laga það í geðveikt langana tíma. En það er nóg af fréttum í dag og þeir sem vilja bara slúður kíka bara inná www.perezhilton.com snildar síða hann er alltaf fyrstu með fréttirnar. Á Íslandi er það hins vegar að frétta að maður á greinilega að lesa bloggið hennar Ellýar, þar er hún að segja frá ljósbláum sögum af sér og vinkonum sínum og svo er hún að fara að gefa út bók um jólin en hún á víst að vera dökk blá. En mæli með því að finna þessa síðu líka. Annars er bara gott að frétta af mér, það var geðveikt gaman á ljósmyndanámskeiðinu í gær, Guðrún í Mössubúð var þarna með mér og ég verð bara að segja að við stóðum okkur þokkalega vel, þó ég segi sjálf frá. Ég mæli með svona námskeiði fyrir alla sem lagar að læra betur á stafrænu myndavelina sína.

Svo er það rafting ferðin sem er um helgina, ég get ekki beðið ég hlakka svo til að fara, samt pínu fúl að það ætla ekki fleiri að fara en ég er að fara ein með strákunum. Það verur fínt, þarf ég að róa minna:) En ég skil ekki þegar fólk lætur svona tækifæri sér úr greipum ganga, þetta er eitt af því skemmtilegast sem ég hef gert og svo er grill og bjór á eftir.... hvað vill fólk meira.

Jæja þá er best að halda áfram að vinna og læra heima:) heyrumst

Þá loksins kemur nýr hönk

2007-06-11T15:30:00.000Z

Ég biðst velviðingar á því að hafa ekki sett upp hönk vikunar á föstudaginn en ég var heima lasinn. En það var samt rosa gaman um helgina fór í útskriftarveislu til Birgittu og skemmti mér konumglega fór svo á djammið með fanganum Paris Hilton. Það var bara fínt um helgina. En hönk vikunar er hann Patrick Dempsey úr Grey´s anatomy, eða McDreamy. Hann er maður sem ég myndi segja að væri búin að fríkka verulega með aldrinum. Eða eins og myndin sýnir. En hann var rosa stjarna fyrir þónokkuð mörgum árum síðan og verður að segjast að hann hafi verið gleimdu, allavega var ég búin að gleima honum. Hann er fæddur 13 Janúar 1966. Hann er búin að leika í hundrað myndum og sú sem ég kannast við er Sweet home Alabama. Annars er ég ekki viss með hinar myndirnar sem hann hefur leikið í, hef líklega séð einhverjar en man ekki voða vel eftir þeim. Hann er alla vega að standa sig eins og hetja í Grey´s og er bara nokkuð myndarlegur.
En annars er það að frétta af mér að ég er að fara á ljósmyndanámskeiðið mitt í dag og á morgun, hlakkar til og spennt. En ég er viss um að ég á eftir að standa mig vel og hafa gaman af þessu. Helga vinkona sagði að þetta vari mjög gaman. En já best að halda áfram að vinna og ég læt ykkur vita með námskeiðið á morgun.

Slappur í dag

2007-06-07T13:35:00.000Z

Það er einhver drulla í mér núna, vonandi ekki að verða lasin það á nefninlega að vera svo gott veður um helgina. En þá er það spurningin hvað á að gera um helgina. Ég er að vísu að fara í útskriftarveislu á laugardaginn en svo veit ég ekki hvað gera skal. Vonandi eitthvað skemmtilegt. En annars þá fór ég á línuskauta í gær og ég var bara nokkuð léleg en datt samt ekki. Þó það hafi nokkrum sinnum skollið hurð nærri hælum. Annars gerið ég ekki mikið, Lóa frænk átti afmæli, hún fékk nokkra gesti þó hún sé á svörtum list í fjölskyldunni. Verð að viðurkenna að í gær þá nennti ég ekki að blogga en ég gat ekki látið það gerast tvisvar í röð þannig ég er að bulla eitthvað hér fyrir þessa fáu sem lega þetta blogg.

En þetta er síðasti daguinn hans Skeet sem hönku vikunar, spurning hver verður það á morgun? En annars þá ætla ég að hætta og fara að vinna.

Nú er gaman

2007-06-05T15:17:00.000Z

Jæja þá er ég hætt að vera mamma í vinnunni og það er miklu betra að vera bara ég og þurfa ekki að sjá endalaust um þennan póst sem hún fær. En engu að síður þá er tímin rosa flótur að líða þá. En það var ansi gott sjónvarp í gær og á öllum stöðvum, hvernig á maður að geta horft á þetta allt, er ekki hægt að skipta þessu niður á hina dagana eins og þriðjudaga það er ekkert í sjónvarpinu á þriðjudögum. Já það var Greys í gær, Heroes, C.S.I, LOST og svo var geðveikt góð framhaldsmynd sem var um mannsal. Það er ekki hægt að horfa á allar stöðvar í einu. Ég verð að fá mér TVO. En hvað gerist í síðasta Greys þætti og Heroes þætti, ég er orðin ekkert smá spent. Þá er það aðal spurningin hvað á að gera í kvöld ef það er ekkert sjónvarp...

Ég finn mér eitthvað að gera eins og alltaf, þarf reyndar að muna eftir því að fara heim og reyna að finna gamalt skóladót fyrir Steinþór sem er að fara að gera ritgerðina sína í fjórða valdinu núna ekkert smá seint, en sumir fá alltaf undanþágu. Vonandi klárar hann líka ritgerðina sína í sumar svo hann verði nú einhverntíman lögfræðingur en ekki eins lögfræðingur og Gílsi Martein.

Já best að fara að gera eitthvað og heyrumst á morgun.

Ekkert smá gaman um helgina

2007-06-04T15:26:00.000Z

Já það var ekkert smá gaman um helgina, var í bústað með Mömmu og Pabba, Binnu og Svenna og börnum og svo voru Jói og Sigga og vinir þeirra í bústað rétt hjá okkur og svo komu Inga og Hafþór. Þannig laugardagurinn var bara nokkuð skemmtilegur. Annars var ég bara í leti og nenti ekki að gera neitt af viti. Ég var búin að gleima því hvað það er gott að fara svona burt og þurfa ekki að gera neitt. Ég vona að allir aðrir hafi haft það eins gott og ég um helgina. Þið munið að sjálfsögðu ennþá eftir hönki vikunar honum Skeet.

Annars er búið að vera brjálað að gera hja mér í dag, ég er örugglega búin að svara milljón póstum og setja inn hálfa milljón af bókunum.

En svo er það hún Birgitta vinkona mín hún er að útskrifast um helgina og ég veit ekki hvað maður á að gefa í útskriftargjöf. Allar hugmyndir þeiggnar með þökkum. En það verður rosa gaman að hitta hana missti alveg af henni í síðustu viku, frekar fúllt. Annars er þessi dagur bara búin að vera fljótur að líða og ég er bara nokkuð róleg yfir öllu, ég er öruggleg ekki farinn úr búsaðnum í hausnum á mér:) En annars þá heyrumst við vonandi á morgun (ég gæti verið tölvulaus) en vonum ekki.

Alltaf nýtt hönk á Föstudögum

2007-06-01T13:06:00.000Z

Já mér datt þetta snildar ráð í hug að hafa alltaf nýtt hönk á föstudögum þannig að það sé hægt að fara út í helgina með eitthvað fallegt í huga. Ég finnst þetta frábær hugmynd hjá sjálfri mér. En Hönkið í dag er hann Skeet Ulrich sem leikur hann Jake Green í þáttunum Jericho. Sem eru frekar spes þáttur en samt er ég alltaf föst við hann til að fá að vita hvað kemur næst fyrir þetta vesalings fólk og af hverju geriðist þetta.... En hann Skeet er fæddur þann 20 janúar 1970 í Virginia í Bandaríkjunum. Hans raunverulega nafn er Bryan Ray Trout en við skiljum vel afhverju hann skipti um nafn. Hann er hvorki meira né minna en 1.83 á hæð og það er nú bara nokkuð gott í heimi leikaranna. Hann er með ör á bringunni frá því hann var 10 ára þegar hann fór í hjartaaðgerð til að laga aðra lokuna í hjartanum. Hann á tvíbura strák og stelpu sem fæddust 9 mars 2001. Hann er búin að leika í nokkrum myndum um ævina. Allir muna nú eftir fyrstu Scream og svo lék hann í myndinni The Craft og svo verður náttúrleg að nefna það að hann lék í Teenage Mutant Ninja Turtles. En hann er núna að leika í þættinum Jericho og að mínu mati er hann að standa sig vel.

En ég er víst að fara í sumarbústað um helgina og ætla bara að chilla alla helgina með mömmu, pabba, Binnu, Svenna, Kristínu og Viktor. Þetta verður helvíti notalegt. Síðan er ég búin að borga ljósmyndanámskeiðið mitt, get ekki beðið eftir því að byrja á því. Annars er það ekkert fleira sem ég hef að segja nema bara hafið það gott um helgina og heyrumst aftur eftir helgi.

Er ég ekki fín

2007-05-31T13:46:00.000Z

Já er ég ekki fín á þessari mynd, en það sem ég er að reyna er að setja þessa mynd af mér í profilið mitt en það gengur ekki rosalega vel þannig ég ákvað bara að hafa hana hér svo allir gætu séð mig:) Ég er alveg að fíla þessa klippingu á mér, verð að fá hana aftur....

Hvað haldiði vikan er að verða búin

2007-05-31T10:56:00.001Z

Já vikan er að verða búin og það er aftur að koma helgi. Ég veit ekkert hvað ég geri um helgina en það verður örugglega eitthvað skemmtilegt. Síðan var ég að skrá mig í Rafting í vinnuni, við förum 16 júni um morguninn þannig ég get samt farið í afmælið hennar Ingu. Það verður örugglega geðveikt gaman ég get ekki beðið. Við förum í austari ánna sem er stærri vá ég get ekki beðið. Í gær fór ég bara á línuskauta og var bara þokkaleg, Heiðdís systir datt en gerði það mjög vel. Síðan fór ég til Maríu og við gerðum skýrsluna okkar fyrir Erassmus og horfðum svo á The Prestige sem er bara nokkuð góð kom verulega á óvart margt í henni. Ég mæli með því að þið horfið á hana. Síðan horfði ég á Alpha dog um daginn og hún er líka mynd sem ég mæli með en það var samt pínu erfitt að horfa á hana en það var kannski vegna þess að ég vissi hvað myndi gerast í henni. En góð engu að síður. Ég er að spá í að fara í bíó í kvöld á The Pirates of the Caribbean með Maríu, Heiðrúnu og Brynju. Annars virðist þetta bara ætla að verða frekar leiðinlegur sólarlaus dagur, nei bara að grína þetta er æði ég er alveg að fara i helgarfrí og ætla að nota það til góðra hluta. Jæja Annar var það ekki meira í dag heyrumst á morgun.

Mig langar í útileigu um helgina

2007-05-30T16:08:00.000Z

Já þá heldur þessu vika áfram, ég er búin að fá neglurnar mínar og er ekki enn búin að brjóta neina þannig þetta gengur bara vel. En það á ekki að vera neitt smá gott veður um helgina og mig langar í útileigu. Þannig ef einkver vill koma með mér þá er hann velkomin með, ég veit reyndar ekki hvert ég ætla en það verður öruggleg gaman. Síðan er ég að verða ekkert smá góð á línuskautum, not ég er ennþá hund léleg. En vonandi fer þetta allt að koma.

Ég fór og heimsótti hann litla frænda minn í gær og hann er ekkert smá frekur, ég hélt virkilega að hann myndi springa við matarborðið í gær. En annars er allt gott að frétta. Nema eitt ég var að hjálpa henni Magneu í vinnunni að stofna blogg á svona síðu eins og minni og hennar er miklu flottara en mitt og hægt að gera miklu meira inn á hennar bloggi, ég þarf nú að eiga orð við þessa kalla sem sjá um þessa síðu. Það er búið að vera ekkert smá mikið að gera í dag en ég lifði það af og svo er bara að fara á skauta á eftir og klára svo umsóknina fyrir styrknum mínum til að einga nú smá pening fyrir vísa:) :)

En þá er ég hætt að rausa í dag

Ég nenni ekki neinu

2007-05-29T13:21:00.000Z

Þá er það komið, ég er held ég að grotna niður og deyja úr leti. Ég er að reyna að vera aktív og vera á námskeiðum og þess háttar en ég bara nenni ekki neinu. Og það batnar ekki þegar maður fær langt helgar frí eins og núna og þarf svo að fara að vinna aftur, þetta ætti að vera bannað:) En það er ennþá hönk vikunar og það er áfram hann Milo vinur minn. Rosalega er hann sætur. En ég er að fara á snyrtistofuna á eftir og fá mér mínar langþráðu neglur aftur, ég er búin að bíða svo lengi með að fá mér þær að ég veit ekki hvað. En annars var þetta bara róleg helgi nennti ekki neinu eins og ég sagði áðan, fór reyndar með Brynju, Heiðrúnu og Alís Helgu í böðin í Mývatnssveit það var rosalega gaman og gott, var líka alveg rosalega þreitt þegar ég kom heim en get svo ekki sofnað fyrr en seint og um síðir. Meðan ég er að skrifa þetta stutta blogg er ég búin að fá 5 pósta sem ég verð að fara að svara svo ég geti hætt kl 15:00. Ég er ekki fá því að mér líði betur eftir að muna eftir því að ég er búin svona snemme:) Jæja bæ verð hressari á morgun.

Jæja þá er ég mætt á nýjan leik

2007-05-25T10:09:00.000Z

Þá er ég mætt í vinnuna og þá er nú einmitt tíminn til að blogga aðeins þegar tækifæri gefs. Ég lofa að vekja þessa síðu til lífsins á ný og eins og síðasta sumar ætla ég að vera með hönk vikunar og restina af þessari viku og næstu viku verður það hann Milo Ventimiglia sem leikur sæta gaurinn í Heroes. Hann leikur einnig í nýju Spidermann myndinni og er að sögn þeirra sem hafa séð myndina ekkert smá myndarlegur í henni. En Meira um hann Milo hann er fæddur 8. júly 1977 í Anaheim Californiu í Bandaríkjunum. Hann er 1,75 cm á hæð. Hann er búin að vera grænmetisæta síðan í barnæsku. Þegar hann var lítill klæddu systur hans tvær hann upp sem Madonnu. Hann lék í Gilmore girls. Annars er hann alveg að meika það í Herose að mínu mati og ég er alveg að fíla þann þátt í tætlur. Ég bíð spennt alla mánudaga eftir því að hann byrju og verð svo öruggleg ekkert smá fúl þegar hann endar. En nóg um það.

Annars er búið að vera geðveikt gaman hjá mér að undanförnu, ég fór til Riga í Letlandi með bekknum mínum núna í byrjun maí og það var ekkert smá gaman. Hægt að sjá myndir og lesa bloggið okkar á www.nemar.bloggar.is endilega kíkja á það.

En ég verð fyrir mitt leiti að segja að ég fór þarna út og hélt að það væri mikil fátækt þarna og svona (sem það er) en þetta er ekkert smá falleg borg og ég mæli með því við alla að skreppa þarna út því það er ekkert smá gaman að kynnast samfélagi sem er svona ólíkt okkar. Ég hef komið á marga staði en þetta er hreinasta stórborg sem ég hef komið til það var ekki neitt rusl á götunum og rusladallur í 10 skrefa fjarlægð frá næsta. Mér fannst þetta snild. Byggingarnar þarna voru ekkert smá flottar og sumar voru síðan 1990.

En núna er ég bara að vinna, skráði mig á línuskauta námskeið til að læra aðeins á þessa skaut sem ég er búin að eiga í 3-4 ár eða meira man það ekki. Síðan skráði ég mig á ljósmyndanámskeið líka, allt að gerast. Ég ætla að vera eins bissy í sumar og ég get þá líður það fyrr og ég get farið aftur í skólan:)

En nóg í bili ætla að vinna smá og ef ykkur dettur eitthvað hönk í hug karl eða kona þá endilega koma með tillögur.

Betra SEINT en ALDREI

2007-02-22T15:34:00.000Z

Jæja hvað er svo að frétta af ykkur öllum. Það er þokkalega langt síðan ég hef kíkt hingað inn enda var ég búin að gleima passwordinu mínu. Þokkalegt það!!! En það er annars allt gott að frétta af mér, brjálað að gera í skólanum. Djammið er búið að vera þokkalegt var samt betra í fyrra en maður fær ekki allt. Mér til mikillar undrunar þá mætti ég hérna upp í skóla að læra og hver heldur að hafi labbað inn engin önnur en hún Guðríður Sturludóttir (nýbúi). Já þetta var nú aldeilis skemmtilegt, hún er bara hætt að reykja í þrjár vikur og vitir menn búin að bæta á sig einum 3 kílóum. Henni veitti nú ekki af þeim. En þessa dagana er skólinn að drepa mig það er svo mikið að gera. Síðan svona til að fara úr einu í annað þá erum við búin að kaupa okkur farið til Riga í maí og ég get ekki beðið. Það verður örugglega ekkert smá gaman. En nú þarf ég að fara að halda áfram að læra áður en Mæja kemst að því að ég er bara að skrifa á bloggið mitt í staðin fyrir að vera að gera ritgerina með henni:)
Ég varð að láta eina mynd fylgja með, Pink hún er í miklu uppá haldi þessa dagana.

Allt of mikið að gera!

2006-09-22T11:00:00.000Z

Það er allt of mikið að gera þessa dagana, skólinn er þokkalega byrjaður. Þetta er ekki eins og í fyrra þegar skólinn byrjaði, þá byrjaði hann mun rólegar. Núna eru það bara hvert verkefnið á fætur öðru og svo þarf maður að lesa fyrir tíma og vera að finna sér eitthvað að skrifa um í ritgerðum. Þetta er bara allt of mikið núna, verð að segja að mig langaði ekki að hafa alveg svona mikið að gera alveg strax. En það er hægt að hlakka til þess að sprellmótið er alveg að fara að koma því tíminn er svo fljótur að líða þegar það er svona mikið að gera. Það verður geðveikt gaman þá.
En ég ætaði að mæla með myndinni Bandidas sem var í bíó fyrir svolitlu síðan og er núna komin út á vídeo. hún er geðveit góð og verð að segja að hún Salma Hayek sem er orðin fertug er ekkert smá flott í henni. Bara að maður verði eitthvað í líkingu við hana þegar maður verður fertugur. En myndin er svona kúreka stelpu mynd sem er ágætt þar sem allar kúrekamyndir innihalda varla stelpur og þær standa sig bara nokkið vel í myndinni.
En ég er ekki í neinu stuði núna til að halda áfram að vera með hönk vikunar en var að spá í að setja bara inn hvað sem er. Jafnvel í anda þessa bloggs að hafa það gellu vikunar, um að gera að upphefja kvennmenn á þessum tímum. Nú er ég farinn að bulla eitthvað sem kemur þessu ekki við, þannig að það er best að fara að hætta.
En þá er það hvað á að gera um helgina, ég var að spá í að vera bara heima og gera sem minnst, væri samt alveg til í að fara í sjallann, það verður örugglega geðveit gaman í kvöld að hlusta á kóka lóka... En bæ í bili.

Friends bogg

2006-09-01T18:08:00.000Z

Var að spá hvernig það myndi vera ef ég myndi fara að hafa svona þátta blogg og var ég að spá í að byrja á Friends og taka alla gömlu vini okkar í næstu viku. Tek líka við ábendingum um þá þætti sem þið viljið að ég tali um.
En annar er bara gaman í skólanum og ég er að spá í að fara suður með henni Binnu og honum Viktori á Þriðjudaginn. Það verður örugglega gaman við ætlum bara að vera í einn dag bara að kíkja í búðir fyrir skírnina.
Það verður ekkert fjör um helgina er að spara til að eiga fyrir einhverju fallegu í Reykjavík. Var jafnvel að spá í að fara í bíó með hana frænku og svo er að sjálfsögðu afmæli á sunnudaginn, veit ekki hvað ég á að kaupa handa Hildi hún á allt og búin að vera í útlönum í allt sumar. En ég finn eitthvað ég geri það alltaf. En látið vita ef ykkur lýst ekki vel á þetta nýja form og svo er ég til í allar breitingar. Bæ í bili...

Þá er skólinn byrjaður

2006-08-29T09:09:00.000Z

Skólinn byrjaði í gær og það var bara rosa gaman, ég fór í klippingu og plokkun og litun, þannig ég er rosa sæt. Svo er ég að fara að byrja á Danska og það gengur bara allt nokkuð vel. Það er bara ein hætt sem ég er búin að taka eftir, hinir hafa þá bara ekki verið nógu skemmtilegir til að ég muni eftir þeim:)
Svo var ég að komast að því að kellingin sem kenndi mér ísl í fyrra á að kenna mér aftur í vetur og ég og Mæja ætlum ekki að mæta þessar tvær vikur. Vá ég hélt að ég væri laus við hana og þyrfti aldrei að vera í kringum þetta fífl aftur en svo er víst ekki.
Mig langara geðveikt að fara suður og kaupa mér eitthvað fallegt og kíkja á Möttu og Guðrúnu, en það yrði þá bara í einn dag. En hvað er þessi litli kisi sætur, hann er bara næstum jafn sætur og ég:) En ég er víst í tíma og verð að fara að hætta og filgjast með ekki satt. bæ

Síðasti vinnudagurinn

2006-08-25T11:28:00.000Z

Það er síðasti vinnudagurinn minn og svo byrja ég í skólanum og ég get eiginlega ekki beðið með að labba hérna út. Svo ég ég ekki beðið eftir að fara í klippingu og litun bæði augu og hár á mánudaginn og svo er djamm í vinnunni á þriðjudaginn, hvað getur það verið betra...
En eitt prófaðu að horfa dálítið lengi í augun á Olando á þessari mynd það er geðveikt spúkí eða ég bara geðveik.
Svo eru mamma og pabbi komin heim svo það verður ekkert fjör hjá mér um hegina, nema þá einhvers staðar annarsstaður. Langar geðveikt að fara á djammið um helgina en á enga peninga, lagar líka að fara suður og kaupa mér fallega hluti en nenni ekki að fara ein en kannski nenni ég því alveg. Æi það kemur í ljós.
En þessi dagur er geðveikt lengi að líða, bara þessi morgun er búin að vera jafn legi að líða og allir hinir til samans. Ekki gaman, en þetta er aðeins skárra Magnea er komin svo það er ekki alveg eins mikið fyrir mig að gera eins og það er búið að vera alla vikuna, sem er mjög gott. En það er að koma matur og ég verð að fara að huga að því hvað ég ætla að fá mér þannig bæ í bili heyrumst næst þegar ég er byrjuð í skólanum:)

Það er að koma helgi

2006-08-24T11:39:00.000Z

Það er víst að koma helgi, loksins og ég er að fara að byrja aftur í skólanum og mér líst bara helvíti vel á það, er kominn með nóg af vinnunni minni, ekki það að hún sé leiðinleg bara nenni ekki að vinna legur, langar að ráða mér sjálf og gera það sem ég vil og svona:)
Annars fór ég loksins og sá Sjóræningja myndina og hún var bara helvíti góð, alveg jafn góð og hin verð ég að segja. Og eins og þið sjáið þá var hann Orlando Bloom askoti myndarlegur í þessari mynd og mæli ég með að ef þú ert ekki búin að sjá hana að drífa sig og sjá hana. Þessi mynd er algert augnakonfekt...
Svo er það helginn, hvað á að gera um helgina, ef ég bara vissi. Það er svo sum ekkert að gera nema bara slappa af og hlakka til að fara í skólann. Kannski skreppa á kaffihús og kíkja með Söndur á rúntin, var sko búin að lofa því:) En það er víst að koma hádegi og ég veit ekki hvað mig langar að borða ennþá þannig kannski ég fari að hætta þessu svo ég hafi meiri tíma til að komast að því.
En það fer að styttast í Rock star og hver veit að Magni fer heim næst eða þar næst, það er bara þannig. En heyrumst á morgun.

Flottur!!!

2006-08-23T13:34:00.000Z

Hérna verð ég að segja að hann er geðveikt líkur honum Justin Timerlake, ekki satt? En já það er allt gott að frétta ég get ekki beðið eftir því að byrja í skólanum og þessir síðustu dagar ætla engan endi að taka.
Svo var ég að spá í að fara suður fyrstu helgina í sept, langar að kíkja aðeins í búðir og jafnvel kíkja á bækur í Rek, þær eru ódýrari þar en hér. En það er ekkert ákveðið, kemur í ljós í næstu viku.
Já var að spá í að fara loksins í bíó í kvöld á myndina sem ég ætlaði mér á um helgina en fór aldrei á. Vonandi er þetta jafn góð mynd og allir eru að segja. En ég tók Hostel í gær sem allir eru búir að segja að sé svo ógeðsleg, sem hún var en mér fannst hún miklu meira sorgleg, því í alvuru það er örugglega til svona ógeðslegt fólk sem borgar fyrir svona. Já þetta var ekki gaman að horfa á. En best að fara að vinna, heyrumst á morgun.

Myndarlegur er hann

2006-08-22T11:04:00.000Z

Hérna verð ég að segja að hann minnir mig óneitanlega á hann vin sinn Jhonny Depp. Ég er alveg að drukna í myndum af þessum manni og þær eru allr hverri flottari, já það er kannski vitleisa að hætta með hönkinn en kannski hætta þau ekki kannski breyti ég þessu bara aðeins en sjáum til.
Orlando Boom er fæddur 13 janúar 1977 í Canterbury, Kent á Englandi. Hann er 1,80 cm á hæð. Hann er lesblindur (varð að koma þessu að). Eins og allir vita þá er hann búin að leika í fullt af flottum myndum sem ég nenni bara ekki að talja upp núna.
Annars er ég bara alltaf hangandi í búsaðnum hjá mömmu og þeim, það er fínt fékk humar og svona í gær, ekki slæmt. Ég var að spá í að nenna ekki í kvöld, kannski kíkja til Ingu og Hafþórs og skoða kettlingana en það er kannski ekki sniðugt því þá lagar mig bara í einn:) Annars er bara allt gott að frétta og ég er að fara að byrja í skólanum og ég get ekki beðið. Það er búið að vera ágætt að gera í dag þannig tíminn líður ágætlega. En er ekki best að fara að gera eitthvað annað og við heyrumst á morgun.

Síðast hönk vikurnar í sumar

2006-08-21T13:03:00.000Z

Þetta er hönk vikunar og er þetta hann Orlando Bloom og þið munið sjá það í þessari viku að hann er dálítið líkur Jhonny Depp og Justin Timberleik.
Þetta var bara fín helgi og ég skemmti mér bara nokkuð vel fékk bílprófið og hékk í sumarbúsaðnum með mömmu og pabba. Á föstudagskvöldið kom Ívar frændi í heimsókn og við fengum okkur pizzu og bjór og svo kom Heiðrún og við sátum og spjölluðum til að verða 3 eða svoleiðis. Annars gerði ég ekki neitt að viti bara að leika mér eitthvað.
Ég get ekki beðið þangað til þessi vika er búin og ég þarf ekki að vera vinna allan daginn og get í raun gert það sem ég vil sem er gaman. Og að sjálfsögðu að hitta alla krakkana og gera eitthvað skemmtilegt með þeim:)
Nýji bíllinn er fínn, nema ég tíndi einum hjólkopnum af honum en pabbi sagði að það væri ekkert mál að fá nýjan. Sem betur fer bíllin er frekar ljótur með bara 3 hjólkoppa:) En annars er þetta fínasti bíll til að druslast á í vetur og svona.
En nú er best að fara að vinna erum voða fá í vinnunni í dag en það er allt í góðu ég er alveg að fara að hætta hérna og þegar er nóg að gera þá líður tíminn aðeins hraðar ekki satt. En þangað til á morgun.

Það er kominn föstudagur

2006-08-18T09:42:00.000Z

Já á morgun fæ ég bílprófið eða var reyndar að spá í að biðja hana Heiðrúnu þegar við erum búnar í bíó að fara með mig á löggustöðina og ná í það því á miðnætti í kvöld þá er kominn laugardagur og þá er ég komin með bílpróf:)
Annars er það helginn ég var að spá í að gera ekkert um helgina vera bara róleg og jafnvel kíkja í bústaðinn til mömmu og pabba. Svo ætla ég að kíka á hana Guggu mína hún ætlar nú að vera heima með kallinum um helgina.
Já ég verð að segja það að hann Jake Gyllenhaal kemur mér svo sannarlega á óvart í hönka deildinni, ég er bara nett skotinn í honum verð ég að segja. En þá er það næsta vika hver á að vera hönkinn þá ég er opin fyrir öllu og minni á að þetta er síðasta vikan líklega sem það veður hönk á síðunni var að spá í að breyta aðeins til þegar ég byrja í skólanum... spennandi ekki satt, ég veit ekkert hvað ég ætla að gera en það verður vonandi áhugavert:)
En ég hef eiginleg ekkert meira að segja þannig að ætli ég fari ekki bara að vinna og reyna að gleima því að tímin líður ekki neitt, hey gleymdi að segja ykkur það en það á að vera grill í hádeiginu hjá okkur geðveikt...

Það er að koma að þessu

2006-08-17T10:55:00.000Z

Já það eru ekki nema 2 dagar þangað til ég fæ bílprófið mitt og þá má ég keyra nýja bílinn minn, ég get varla beðið ég er svo spennt. Já svo verð ég ein heima alla næstu viku því mamma er að fara í sumarbústað og ég þarf að vinna síðustu vikuna mína áður en ég byrja í skólanum. Nenni ekki að vinna meira vil byrja í skólaum núna....
Æi tímin líður svo hægt þegar maður er að bíða eftir einhverju af hverju og núna er ég að bíða eftir tveimur hlutum að fá bílprófið og byrja í skólanum.
Annar var ég að fá hugmynd um daginn þegar ég var með henni Bigittu vinkonu minni, við ætlum að fara saman til Bandaríkjana og gera heimildarmynd um þá innfæddu, það verður fjör hitta slatta af svona trayler park tras. Ég held að þetta eigi eftir að verða ekkert smá gaman ef þetta gengur upp þar að segja.
Annars er ekkert að frétta nema bara endalaust tuð um þið vitið hvað... En ætli ég reyni ekki að halda áfram að vinna það verður nóg að gera hjá mér á morgun og í næstu viku þegar mamma verður farinn og ég þarf að vinna hennar vinnu líka það er ekki gaman því allir halda að maður getu bara unnið endalaust og gert allt sem allir vilja. En ekki meira tuð heyrumst á morgun þegar það er bara 1 dagur til stefnu:)

Jake Gyllenhaal

2006-08-16T11:54:00.000Z

Já hann er nú bara nokkuð myndarlegur hann Jake Gyllenhaal. Hann er fæddur 18 des 1980 í los Angeles. Hann er 1,83 cm á hæð. Já hann er nokkuð fine, mundi reyndar ekki eftir honum sjálf fyrr en heima á sunnudagskvöldið þegar ég var að horfa á bubbleboy, hann er geðveikt sætur í henni.
En já ég fékk bílinn minn í gær og bónaði hann og þrif allan, geðveikt dúleg. Þetta er held ég bara fínn bíll handa mér að leika mér á, ekkert of fansy. Já svo er það bara helvíti ánægð með gripinn. Pabbi var líka bara nokkuð ánægður með hann og þá er þetta allt í lagi. Svo fylgdi líka allt með honum vetrar- og sumar dekk þannig að ég er bara good to go.
En já ég er greinilega búinn að finna mér vin til að fara með í bíó á sjóræningjana, ég hlakka geðveikt til og vonandi gengur Heiðrúnu vel í prófinu sínu. Segi bara hér strax GANGI ÞÉR VEL :)
En já ég fæ bílprófið á laugardaginn og ég hlakka geðveikt til og það þýðir það að það er hund leiðinlegt í vinnunni því ég get ekki beðið legur eftir því að laugardagurinn komi. Ég er ekki að grína það er nóg að gera en sammt finnst mér tíminn ekkert smá lengi að líða, það er ekki gott mál. Verð bara að hætta að hugsa svona mikið um þetta, en það er ekki hægt, ég er að brjálast... En verð að halda áfram að vinna svo ég verði ekki á eftir eftir daginn:) gaman

Ekkert gaman í vinnunni

2006-08-15T12:22:00.000Z

Það er ekkert gaman í vinnunni, ég er geðveikt ein, vön að vera hér með alla vega 2 manneskum en er núna bara ein. Og ég hélt að ég yrði einhverf á Egilsstöðum...
En ég er bara helvíti skotin í þessum Jake. Eða kannski er það hermanna átfittið hver veit.
En já ég er búin að kaupa bílinn og allt var að spá í að bóna hann og svona í kvöld ef ég má fá þvottasalinn lánaðan. Já það er finndið að eiga bíl og meiga ekki keyara hann fyrr en á laugardaginn. Ég get varla beðið, það verður geðveikt skrítið að fara að keyra aftur. En annars er ekkert að frétta nenni ekki að gera neitt, er að deyja úr leti. Veit ekki hvort ég nenni að fara með ipodin minn í hádeginum og láta laga hann, það er leti. En nóg um það svo sækist ég eftir vinum sem vilja fara með mér í bíó á Johnny Depp....

Næst síðast hönkið í sumar

2006-08-14T12:22:00.000Z

Já það eru bara 2 vikur eftir af þessu sumri og þá byrja ég í skólanum og það verður geðveikt gaman, ég er farinn að hlakka rosalega til:) En ég vissi ekkert hver átti að vera hönkið þannig að ég fann þennan hann Jake Gyllenhall og hann er nú bara helvíti sætur líka þegar hann leikur homma. En hann er nú bara rosalega sætur á þessari mynd ekki satt...
En það var alger hörmung á Egilstöðum en ég lifði það af en bara varla, er nett einhverf eftir þetta. En helgin var geðveikt góð, við stelpurnar fórum á Dalvík á fiskidaga og skemmtum okkur geðveikt vel. Það voru ekkert smá margir þarna og við enduðum í götuparty þar sem var með hljómsveitina Brain Police sem voru geðveikir. Það var svo bara helvíti gaman að fíflast þarna hitti fullt af fólki sem maður hefur ekki hitt lengi. En svo var ég held ég að kaupa mér bíl áðan hann er bara fínn pínu skemmt á honum lakkið en það fylgdu ný sumar og vetrardekk og hann er mjög vel farinn að innan. Ég held að þetta sé bara ágætis bíll handa mér til að fara á í skólan og svona:) þetta er svona bíll eins og Sigrún sagði einn með öllu:) En pabbi eins og alltaf er að bögga mig hvernig ætlar þú að eiga fyrir honum og svona bögg, ég hlít að eiga fyrir þessu eins og flestir aðrir sem eiga bíla. En nú þarf ég að fara að gera eitthvað af viti, not geri það aldrei....

Nett leiðinleg vika í námd

2006-08-08T16:18:00.000Z

Þetta verður ekkert smá leiðinleg vika, ég er víst að fara til Egilstaða að vinna og ég er enganveginn að nenna því, og eins og flestir vita þá finnst mér ekki gaman að kynnast nýju fólki og hvað þá einhverju sveita fólki. En þetta átti ekki að vera leiðinlegt blogg heldur skemmtilegt, það var geðveikt gaman um helgina fór í kjallaran á fösudaginn að hlusta á Sveinar og hann er geggjaður dj og geðveit gaman að hlusta á hann spila. Svo að sjálfsögðu voru allir félagarnir á svæðinu gaman að hitta alla á ný eins og hann Jón og svona. Svo fór ég til hennar Guggu minnar á laugardaginn og við skemmtum okkru eins og alltaf, ég Helga, Birgitta og Gugga. Það sem hægt er að bulla þegar við komum saman það er alveg merkilegt. En ég verð að segj að annað hvort var ég svona full og illa gefin um helgina en ég tók bara ekki eftir öllu þessu fólki sem átti að vera hérna, ég gerði bara það sem ég vildi þegar ég vildi og engin var fyrir mér, fór reyndar ekkert í sjallann þannig það útskýrir kannski af hverju. En þetta var massa góð helgi og ég vona að það verði svona gaman næstu versló líka mætti vera aðeins meiri sól, þá héngi fólk frekar úti. En já ég er að spá hvernig ég get komið því í kring að ég þarf ekki að fara á Egilsstaði á morgun, verð að handleggsbrjóta mig eða fótbrjóta mig, ég verð að gera eitthvað annars dey ég líklega úr leiðindum og það er miklu verra en að slasast smá, ég er ekki tilbúin til að deyja strax, en nó með kaldhæðnina, ætli ég heyri ekki í ykkur við tækifæri ef ég lifi þessa ömulegu fer af......

Versló

2006-08-04T11:03:00.000Z

Ég er ekki að grínast hann er jafnvel myndarlegur slasaður og glæpamannslegur, þetta er svona bad bay sem er í raun ekkert bad bay, bara ljóðskáld og svoleiðis... En það skiptir ekki öllu máli hann er nákvæmlega það sem við viljum að hann sé hann er jú kvikmynda stjarna. En ég er ekki að trúa því að það sé komin versló og þetta er síðasti vinnudagurinn, jey svo spenntur.
Annars kom hún Matta í gær og plokkaði mig og Mömmu og var svo í mat hjá okkur, Binna, Kristín og Viktor voru líka í mat hjá okkur. Svo kom Birgitta nýgifta og við spjölluðum heillengi saman úti á svölum í góða verðrinu:)
Já það verður vonandi gaman um helgina það er alla vega nóg að gera og nógu margir til að gera það með... djók en ég spái því að það verði um 20 þúsund mans hér um helgina sem er í raun allt of mikið af fólki en eins og maður segir alltaf more the marrier. En verð ég ekki að fara að vinna aðeins því það er síðasti dagurinn fyrir helgi og svona, sjáumst um helgina...

Það er komin fimmtudagur!!!

2006-08-03T10:25:00.000Z

Já það er einn til tveir dagar eftir af þessari viku og þá er komin verslunarmanna helgi og allir koma norður til að djamma því allt góða veðrið er hér og það verður geðveikt gaman... Annars er ég viss um að þetta verður bara eins og hver önnur helgi nema með fleira fólki sem er fyrir mér og truflar mig í umferðinni (segir sú bílprófslausa). En já ég verð að komast að þessu með með bílprófið mitt bráðum, hvar ég á að ná í það og hvernig.
Já vonandi verð ég búin að finna mér bíl eftir helgi eða um helgina. Svo náttúlega vara ég alla við perrunum sem eru hér á AK þeir eru stórhættulegir:) Nei nei veit ekki hvað ég er að bulla, ég er bara að bíða eftir því að fá að vita hvað ég á að gera í vinnunni, annars er ég ekki að gera neitt.
Ég er ekkert búin að sjá hann frænda minn í þessari viku en vonandi sé ég hann bráðum hann er svo mikið krútt. En það er spurning hvað verður gert á morgun og verður það ekki alveg rosalegt.... bæ þangað til á morgun...

Tímin líður hratt

2006-08-02T09:48:00.000Z

Já þetta er sko skítug mynd af honum Viggo Mortensen, þetta er alveg eins og ég vil hafa hann, nett skítugan og fínan. Það er samt komin miðvikudagur og vikan er alveg að verað búin og Heiðrún fer á morgun og nær í bílinn sinn og vonandi er þessi bíll sem ég er að fara að skoða fínn bíll sem ég get keypt mér og verið rosa ánægð:) Annars er það farið að laumast að mér að það er að koma versló og ég er svona að átta mig á því að það á eftir að vera helvíti gaman um helgina. Mamma er reyndar að gera mig brjálaða með lagitil kjaftæði, hún er eitthvað tens yfir því að versló sé að koma og að hún gæti fengið gesti og það er sko allt í óreiðu heima hjá henni og hún á engar kökur til að gefa þeim eða neitt... gamla er að brjálast.
Annars fann ég alveg helling af nýjum hönkum áðan, skil ekki hvernig ég gat gleimt þeim í síðustu viku og haft engan, ég sóaði heilli viku.
Já svo ætla ég að óska öllum til hamingju með Skattinn sinn ef þeir fengu einhvern, ég fékk smá skatt, bara sátt við það. Annars þá verð ég að vinna smá ekki satt, það er samt allt að fara að gerast það er einn dagur í versló....

Já vikan líður fljótt

2006-08-01T10:41:00.000Z

Guð sé lof að þessi vika ætlar ekki að vera lengi að líða, ég hefði ekki nennt því verð ég að segja. Já til hamingju Heiðrún með að vera búin að ákveða hvaða bíl þú villt ég er hrifin af honum og vonandi er hann í góðu lagi og allt eins og það á að vera:)
Það er nú búið að nefna litla frænda minn hann mun eiga að heita Viktor Smári, ég er svo hrifin af honum nafna mínum að ég er að springa:)
Annars er svo sum ekkert merkilegt að frétta af mér, ég fann einn ágætis bíl á netinu í gær og pabbi er að tékka á öðrum. Þannig þetta er allt að gerast var hins vegar að spá í einu því það er laugardagur þegar ég á að fá bílprófið mitt, ætli ég nái í það á löggustöðina, æi ég kemst að því seinna en það eina sem ég veit er að ég er að fara að fá bílpróf og ég er svo spennt:)
Vonandi verður geðveikt gaman á djamminu um helgina ég á víst að vera allsstaðar og ég verð bara að bjarga því eða velja mér skemmtilegasta partyið og setjast þar að:) kemur í ljós.
Svo er hún Gugga mín komin heim úr Reykjavíkinni þannig ég þarf að fara að hitta hana og heyra hvernig það er að vera orðin gift kona og hætt að djamma:) nei bara að grínast það er ekki alveg orðið þannig ennþá en ef ég skertst ekki í leikin og kem gömlu á djammið þá er ég hrædd um að hún sé farinn... En nenni ekki meiru verð að vinna smá:)

Viggo Mortensen

2006-07-31T14:12:00.000Z

Já eins og einhver sagði forðum daga, betra er seint en aldrei og ég var að spá í að hafa þennan fallega mann sem hönk vikunar. Hann er reyndar bara myndarlegur þegar hann er pínu skíktugur og illa til hafður (að mínu mati). En það er nú ekki búið að ganga allt of vel síðan ég kom heim, mér tókst það sem líklega engum mun takast nema mér, það var það að ég stakk A4 blaði í augað á mér og er búin að vera með nettan lepp síðan á miðvikudaginn....
En annars er bara allt gott að frétta, ég er búin að komast að því hvað litli frændi minn á að heita en ég ætla ekki að segja það stax. Það á að vera leindó aðeins lengu. Já ég er nú ekki einu sinni að fatta að það er að koma verslunarmannahelgi og það kemur hitabilgja á sama tíma þannig að þetta verður geðveikt góð versló.
Ég get ekki beðið það veruður svo gaman, svo var ég að spá í að kaupa mér bíl og vonandi verður hann flottur, pabbi er að hjálpa mér loksins eftir að hafa streist á móti í nærri 2 mánuði. Þannig vonandi verð ég komin á bíl þegar ég fæ bílprófið mitt þann 19 ágúst. Já þá verður sko gaman bara eins og að eiga auka afmælisdag, en nóg í bili bæ

Engin mynd í dag

2006-07-25T11:01:00.000Z

Já það er engin mynd í dag það er eitthvað bilið. En það gerir morgundaginn bara meira spennandi, ekki satt. En það er alveg ágætt að vera komin heim, er að spá í að kaupa mér bíl áður en ég byrja í skólanum en svo fæ ég svona bakþanka og fer að hugsa um allt djammið sem ég get stundað fyrir peningin, en það þýðir víst ekki að hugsa svona. Annars er bara allt gott að frétta nema ég er eitthvað farinn að missa minnið en óþarfi að fara út í það hér. Annars á þetta að vera frekar ömurleg vika því það er bara þoka allan daginn, það er ekkert smá leiðinlegt og kalt. Þegar það er svona kalt þá vildi ég að ég væri ennþá í útlöndum í hitanum sem var að grilla mig. Heiðrún var að prufa nýjan bíl í gær vonandi að henni lítist á hann og jafnvel kaupi sér hann:) Það er svo margt sem ég ætla mér að gera áður en ég byrja í skólanum og það er alveg að fara að byrja skóli á ný. Tíminn líður allt of fljótt. En best að fara að vinna smá

One tree hill gaurinn

2006-07-24T11:54:00.000Z

Já þá er ég komin heim frá Sviss og það var geðveikt gaman og ógeðslega heitt allan tíman. Þetta var samt svo gaman við skoðuðum alveg helling og fórum í geðveikan aqva park og sáum kastala og svona svo var verslað smá:) ekki mikið bara smá...
Ég er búin að vera alveg tóm í morgun og var búin að gleyma þessu bloggi og síðan vissi ég ekkert hver átti að vera hönk vikunar, þannig ég ákvað að hafa bara engan hönk vikunar heldur bara einn og einn þessa vikuna og ef það er einhver sem ykkur langara að sjá hérna í þessari viku þá er bara að setja inn óskir.
En þetta er hann Chad Michel Murray sem leikur Lúkas í One tree hill. Hann er allt í lagi enn ekkert rosalega flottur en það er allt í lagi er það ekki svona meðan maður er að ná sér eftir allt ferðalagið.
Ég verð meira að segja að segja að ég er búin að vera rosalega þreytt eftir þetta því við löbbuðum rosalega mikið í þessari ferð og það er rosalega erfitt að labba í 30 til 35 stiga hita (mæli ekki með því) En það gekk allt eins og í sögu í þessri ferð og allir voru bara vinir, sem er mjög gott enda þakka ég þónokkuru magni af brennivíni fyrir það:) En er að fara í mat heyrumst

Smá veisla

2006-07-13T14:58:00.000Z

Varð bara að hafa smá svona handa ykkur úr því ég er að fara. Og svo fæ ég bara ekki nóg af þessum manni og það eru til endalaust af myndum af honum....

Ég fer út á morgun

2006-07-13T09:59:00.000Z

Það er allt að gerast, við erum að fara út á morgun og það er allt of langt þangað til. Þessi síðasti vinnudagur ætlar að vera alveg helvíti lengi að líða alveg eins og ég vissi, finnst ég vera búin að vera hér í heilan dag en er víst bara búin að vera í klukkutíma... ekki gott.
En vá hvað þessi maður er sexy ég vildi að ég væri að fara út að hitta hann. Þessi mynd minnti mig á það þegar hann lék í Blow hann var svo flottur í þeirri mynd að það var ekki þurt sæti í bíóinu. Svo fékk ég smá ábendingu um daginn, að ég hefði gleimt að tala um bestu myndina hans eða Cray Baby, það er klassa mynd.
Já ég er að verða tilbúin búin að þvo öll fötin sem ég ætla með og búin að strauja og brjóta saman og svona það eru eiginlega bara litlu hlutirnir sem eru eftir, tannbusti og svonleiðis. Og að sjálfsögðu að fara aðeins í ljós áður en ég fer, var að spá í að fara í fyrramálið áður en ég fer, já og svo fer ég vonandi í flugvél geðveikt þarf ekki að sitja í bíl í 4 til 4 1/2 tíma, það er það leiðinlegasta sem ég geri sérstaklega þegar ég er spennt og þarf að drífa mig eins og ég mun vera á morgun. Þetta skal vera svo skemmtileg ferð og ég ætla að sjá um að skemmta mér sjálf allan tíman, því ég er best í því, ekki satt. Jæja var að spá kannsi verður þetta síðast bloggið í þessari viku og það kemur líklega lítið í næstu þannig hafið það gott og á meðan ég er í burtu. Bæ

Já nú erum við að tala saman

2006-07-12T10:22:00.000Z

Já ég get ekki annað en sagt það að þetta er fallegasti maður í heimi. Og gaman að hann vildi vera bera að ofan fyrir okkur sem er mjög gott. En það eru bara 2 vinnu dagar þangað til ég fer til útlanda. ég get bara ekki beðið.
Það magnaðasta sem ég hef heyrt í dag er það að frakkafíflið sem skallaði 'Italan í síðasta leik fær líklega ekki að halda titlinum besti maður leiksins (sem hann átti ekki skilið), þetta eru bestu fréttir sem ég hef heyrt lengi.
Annars er svo sum ekkert mikið að frétta, geri ekki neitt nema að bíða eftir því að komast út. Fór að vísu í klippingu í gær, gerðveikt sátt við útkomuna. Svo er það stóra spurningin eins og alltaf hvað á að fá sér að borða í hádeginu...
Fór reyndar líka í ljós í gær var að spá í að fara aftur í kvöld og hinn, fá smá lit til að það fattist ekki að ég er túristi í útlöndum, þoli ekki þegar það gerist.
Svo þeir sem vilja vita það þá eru kátir dagar á þórshöfn og allraf gaman að fara þangað í útileigu væri sjáf á leiðinn ef ég væri ekki að fara út, mæli með þessari geði.
Annars nenni ég ekki að segja meira er geðveikt þreytt svaf illa og svona.

Johnny Depp

2006-07-11T09:55:00.000Z

Já hann Johnny Depp er fæddur þann 9 júní 1963 í Kentuky í Bandaríkjunum. Hann er 1,78 cm á hæð (hélt hann væri minni). Fyrsta myndin sem hann lék í var Nightmare on Elm Street og hefur síðan leikið í alveg helling af myndum síðan og nú síðast í Pirates of the Caribbean sem er ein af bestu myndunum sem hann hefur leikið í (að mínu mati). Hann hefur nú verið við kvennmennina kenndur eins og Kate Moss og Winona Ryder en er nú giftur söng og leikkonunni frönskuVanessa Paradis og eiga þau saman tvö börn þau Lily-Rose Melody og Jack. Hann hefur nú gert margan skandalinn í gegnum ævina og var sakaður um að selja eitulyf á klúbbnum sínum The Viper Room þar sem vinur hans River Phoenix dó fyrir utan klúbbin úr ofstórum skammti. Þegar hann var trúlofaður Winona þá lét hann tattoa á sig Winona forever en þegar þau hættu saman lét hann taka n og a af svo eftir stóð "Wino forerver". (Fíla þetta)
Já það er af nógu að taka með þennan mann hann hefur gert held ég allt sem manni getur dottið í hug.
En nú eru bara 3 dagar þangað til ég fer til útlanda og ég er að springa úr spenningi. Er að fara í klippingu í dag eftir hádegi og gera mig sæta, nenni ekki að fara aftur í vinnuna þegar ég er búin í klippingu en kannski þarf ég að gera það það eru svo fáir í vinnuni. Annars er lífið dásamlegt og svo gaman að vera til þessa daga....

Já mikið er þessi sætur

2006-07-10T13:30:00.000Z

Ég held ég þurfi ekki að kynna hann þennan fyrir ykkur er það nokkuð, hann nokkurn vegin segir frá sér sjálfur. En hann Jhonny Depp hefði nú átt að vera löngu kominn hérna sem hönk enda aðal hönkið ekki satt...
Það var bara gaman um helgina gerði alveg helling af mér og hagaði mér eins og fífl, nei bara að grína... en öllu gríni fylgir einhver alvar ekki satt...
Verð að segja að ég get ekki beðið eftir því að fara til útlanda eftir bara 4 daga ég trúi ekki að það sé loksins komið að þessu það er svo langt síðan við plönuðum þetta. En bráðum er biðin á enda, líka bílprófið mitt ég fer nú alveg að fá það aftur eða 19 ágúst get ekki beðið eftir því helgur. Svo seldi Heiðrún bara bílin sem ég ætlaði á suður þannig við þurfum að finna út út því, það ætti nú að vera lítið mál fyrir mig þar sem ég vinn nú á svona bíla stað.
Annar er bara allt gott að frétta og ég hef svosum ekkert meira um það að segja er að fara í klippingu á morgun og svona svo er ég bara að fara í frí og leika mér. Heyrumst þarf að vinna mikið til að vinna upp letina í mér, djók ég er ekki löt...